Мәскәүҙән еңеү менән ҡайтты

"Тағы бер еңеү! Еңеү менән ҡайтасағыбыҙга ышана инек!"
Сибай ҡалаһының "Гөлдәр" өлгөлө хореографик бейеү ансамбле Мәскәүҙән еңеү менән ҡайтты.
Бөтә Рәсәй буйынса һайлап алыу турын үтеп, Сибай "Гөлдәр" өлгөлө хореографик бейеү ансамбле Мәскәүгә "Ал елкәндәр" мәҙәни фондының милли премия V ябыҡ проектына саҡырылған ине. Бөтә Рәсәйҙән йыйылған 26 көслө бейеү коллективтары араһынан Сибай ҡалаһының "Гөлдәр" өлгөлө хореографик бейеү ансамбле бик ҡатмарлы конкурста "Милли мираҫ" халыҡ бейеүҙәре өлкәһендә 2-се дәрәжә лауреат исемен яуланылар!
Ансамбль солисы Илнур Хәсәнов беренсе дәрәжә лауреат исеменә өлгәште!
Балаларға Мәскәүҙе күрһәтеп, Мәскәүгә беҙҙең балаларҙы күрһәтеп алып ҡайтҡан ансамбль етәксеһе Башҡортостандың атҡаҙанған мәҙәниәт хеҙмәткәре Луиза Яхинаға ҙур рәхмәт!
Былтыр улар Санкт-Петербургта гран-при яулағандар ине. Бик афарин Сибайҙар!