Һаҡ булығыҙ!

Башҡортостан буйынса Ғәҙәттән тыш хәлдәр министрлығының матбуғат хеҙмәтенән хәбәр итеүҙәренсә, Башҡортостан буйынса хәүефле һауа торошо тураһында иҫкәртеү килде.

6 майҙа көндөҙ һәм кис республика буйынса урыны менән елдең бик көслө булыуы көтөлә, уның тиҙлеге секундына 21-26 метр.
Бынан алда Өфөлә 6 майҙа иртәнән алып көслө ел иҫеүе тураһында хәбәр иткәйне. Шаһиттар тәбиғәт афәтенең тәүге эҙемтәләре тураһында хәбәр итә. Мәҫәлән, Йәштәр бульварында 10-сы йорт янында металл конструкция һүтелә. Пушкин һәм Гоголь урамдары киҫелешендә, шулай уҡ Октябрь проспектында, 78/3 урында ағастар ауған. Карл Маркс урамындағы бинаның ҡыйығының бер өлөшө, ә "Планета" сауҙа үҙәге эргәһендә светофор ҡолап төшә. Ҡаланың граждандарҙы яҡлау идаралығы мәғлүмәттәре буйынса, Өфөлә көслө ел арҡаһында емерелгән ағастар биш машинаға зыян килтергән.

Фото: Управление гражданской защиты Уфы