Туймазынан "Тархан" халыҡ бейеүҙәре ансамбле Гран-при яуланы

Санкт-Петербургта «Качели» халыҡ-ара хореография сәнғәте конкурсы үтте.

Конкурста Рәсәйҙән һәм сит илдәрҙән 4 йәштән өлкән ижади коллективтар һәм айырым башҡарыусылар ҡатнашты.

Бейеүселәрҙең башҡарыу оҫталығы, номерҙың композицион төҙөлөшө, репертуарҙың башҡарыусыларҙың йәш үҙенсәлектәренә тап килеүе, сәхнә оҫталығы, артистизм баһаланды.

Туймазынан конкурста «Родина» мәҙәниәт һарайының «Тархан» халыҡ бейеүҙәре ансамбле сығыш яһаны.

Балалар «Бәхетле баласаҡ» бейеүе менән сығыш яһаны һәм 9-12 йәш категорияһында «Халыҡ бейеүе» номинацияһында Гран-приға лайыҡ булды.

Ансамбль етәкселәре — Әлфиә һәм Дамир Ибраһимовтар.

https://etegen.ru/news/sobytiya-i-fakty/2024-05-06/tuymazynan-tarhan-haly-beye-re-ansamble-gran-pri-yaulany-3755156