“Аманат”ҡа – синыф менән!

Һаумыһығыҙ, “Аманат” журналы редакцияһы хеҙмәткәрҙәре! Һеҙгә Бөрйән районы Әбделмәмбәт мәктәбенең 4-се синыф уҡыусылары күп сәләмдәр ебәрә. 2023 йылға тотош синыф менән журналға яҙылдыҡ. Журналды беҙ дәрестәрҙә, тәнәфестәрҙә һәр саҡ ҡулланабыҙ. Синыф етәксебеҙ Земфира Ғәлимйән ҡыҙы Ғөбәйҙуллина менән бергәләп, оҙон тәнәфестә “Аманат” журналын ҡыҙыҡһынып, уҡыйбыҙ. Бигерәк тә "Тиҫтерҙәрең ижады", "Ай, һылыу" рубрикалар ныҡ оҡшай. Журналдың "Мандала", "Аманат коллекцияһы"н кинәнеп эшләйбеҙ. Артабан да бергә булырбыҙ, тигән теләктә ҡалабыҙ.

Бөрйән районы Әбделмәмбәт мәктәбенең 4-се синыф уҡыусылары.