Дворжак әҫәрҙәре яңғыраясаҡ

Береһе – виолончель һәм оркестр өсөн хистәргә ифрат бай Концерт, ул Ватанын һағынған героик образды сағылдыра.

Икенсеһе – легендар 9-сы симфония. Уны тыңлаусы индей легендалары донъяһына, афроамерикандарҙың дини музыкаһына сума, артабан иркен чех еренә күсә. Был әҫәрен Дворжак 1893 йылда Америкала яҙа һәм ошо ерҙең милли моңдарына нигеҙләнә. 9-сы симфония – уның  һуңғы һәм иң билдәле  симфонияһы.

Концертта оркестрға ҡушылып Рәсәй академик сәхнәһе легендаһы, Рәсәйҙең халыҡ артисы Сергей Ролдугин (виолончель) сығыш яһай. Башҡортостан Республикаһы Дәүләт симфоник оркестрының баш дирижеры, Башҡортостандың халыҡ артисы Дмитрий Крюков дирижерлыҡ итә.

Һүрәттә: симфония автографының титул бите.

Сығанаҡ