+13 °С
Болотло
Бөтә яңылыҡтар
"Аманат" энциклопедияһы
30 Ноябрь 2018, 10:39
Ҡырпағай мәҙәктәре
"Аманат"тың был айҙағы һанында баҫылған көләмәстәрҙе һеҙҙең хөкөмгә тәҡдим итәбеҙ.
– Ниңә икмәккә бөтөн өҫтәл аша үреләһең, улым? – ти әсәһе. – Телең бар ҙаһа.
– Телем бар ҙа ул, – ти малай, – тик ҡулым оҙонораҡ бит.
* * *
– Тағы нимә эшләп бысрандың? – тип әсәһе улын әрләй.
– Кисә Ирек, мин ҡолағас, бик ныҡ көлгәйне. Ә бөгөн үҙе ҡоланы һәм мин унан тәгәрәй-тәгәрәй көлдөм, – ти малай.
* * *
– Улым, шуны иҫеңдә тот: тәүҙә – ҡулды, шунан һуң ғына битте йыуырға кәрәк, – ти әсәһе.
– Мин гел шулай эшләйем дә ул. Кисә ҡулдарымды йыуҙым, бөгөн битемде йыуам.
* * *
Психиатрия дауаханаһына сымдар тешләгән ниндәйҙер ир дүртаяҡлап килеп инә.
– Беҙгә кем килеп инде? Бесәй балаһымы? – тип, балаларға өндәшкәндәй ҡылана табип.
Ир кеше мөйөшкә бара. Табип артынан эйәрә:
– Көсөкмө?
Ир кеше икенсе мөйөшкә бара. Табип:
– Гөбөргәйел?
Ир:
– Һин миңә тыныс ҡына интернет үткәрергә бирәһеңме бөгөн, юҡмы?
* * *
– Әбекәй, ваҡ бәлештәрегеҙ яңы бешкәнме?
– Эйе, балам, күптәнән яңы инде улар!
* * *
– Таһир, Чапаев кем ул?
– Негр!
– Нисек “негр”?
– Ул бит аҡтарға ҡаршы һуғышҡан!
* * *
Уҡытыусы:
– Балалар, әйтегеҙ әле миңә, кем ниндәй һөнәр эйәһе булырға теләй?
Барыһы ла артист, космонавт, табип булырға теләй. Бер Ғәли генә:
– Ҡыш бабай! – ти.
– Ни өсөн Ҡыш бабай?
– Сөнки – Ҡыш бабай булыу – шәп һөнәр! Бер аҙна байрам итеп кенә йөрөйһөң дә, йыл буйы ял итәһең!
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05