+10 °С
Болотло
75 лет Победы
Бөтә яңылыҡтар

1022 һүҙ белгән донъялағы иң аҡыллы эт

Ошо көндәрҙә донъя фәне ауыр юғалтыу кисергән икән: 16йәшендә бордер-колли тоҡомло Чейсер исемле эт үлеп ҡалған. Чейсерҙың 1022 һүҙбелгән иң аҡыллы эт тип рәсми таныйҙар.

Уның хужаһы Уффорд-колледжы психологы Джон Пилли былтыр 89 йәшендә мәрхүм була.
Кешеләрҙе ярты һүҙҙән аңлаған хайуандарҙың осрауы яңылыҡ түгел тип әйтергә була. Ысын, йорт хайуандары һөйләшмәһә лә бик күп һүҙҙәрҙе хәтеренә һеңдерә. Ғаилә ағҙаларын исемләп айырғандары ла бар. Дүрт аяҡлы дуҫтарыбыҙҙың оҫталыҡтарын YouTube каналындағы роликтарҙан ҡарап аптырап бөтә алмайбыҙ. Ә Чейсерҙың меңдән ашыу һүҙ белеүе - хауйуандар араһында осраған һирәк талант һәм хужаһының тырышлыҡ һөҙөмтәһе. Джон Пилли аҡыллы эте менән 4-5 сәғәт буйы шөғөлләнгән була. Этте ғалимға ҡатыны бүләк итә. Джон Пилли ҡасандыр бер журналда 200 һүҙ белгән эт тураһында уҡыған була. Һәм үҙенең эте менән һөҙөмтәләр үткәрергә була. Ниндәйҙер яңы һүҙ өйрәтер алдынан бер уйынсыҡ һатып алған, әйтәйек, айыу, өйрәк, балыҡ һ.б. Һәм күп тапҡыр ҡабатлаған предметтың исемен. Уйынсыҡтарҙы бергә йәшергәндәр һәм хужа атаған уйынсыҡты эт эҙләп алып килгән. Шулай өйҙә 16 пластик контейнер йыйылып китә. Улар 800-ҙән ашыу йомшаҡ уйынсыҡ, 116 туп һәм башҡалар менән тула.
Эттәр хайуандар араһында иң аҡыллыларҙан һаналала. “Хатико”, «Белый Бим Чёрное ухо», яҙыусы Рамаҙан Өмөтбаев әҫәре буйынса төшөрөлгән «Һарығолаҡ» кеүек бик күп нәфис фильмдардар ашала был турала беләбеҙ.

Шулай уҡ иң аҡыллылар:
Исеме
Кем
Һөнәре
Коко
Стэнфорд университетының тикшеренеү үҙәгендә үҫкән горилла. 2018 йылда үлгән.
Һаңғырауҙар телендәге 1000-гә яҡын хәрәкәтте ҡулланған. 2000 һүҙҙе ишетеп айыра белгән.
Кхосик
Сеул ҡалаһы (Корея) зоопаргының Азия филе.
Корея телендә “әйе”, “юҡ”, “яҡшы”, “ултыр”, “ят” кеүек һигеҙ һүҙҙе әйтә. Тик һүҙҙәрҙең нимә аңлатҡанын белеүе билдәһеҙ.
Канзи
Айова тикшеренеү үҙәгенең бонобо шимпанзеһы.
Утын әҙерләй һәм шырпы ярҙамында костер яға белә. Ишетеп 3000 һүҙҙе айыра. Яһалма йеркиш теленең 500 символын ҡуллана.

Вәсилә ЗАРИПОВА әҙерләне.


Читайте нас в