-6 °С
Болотло
Бөтә яңылыҡтар
"Аманат" йондоҙлоғо
26 Июль 2020, 17:09
Йәштәр тағы хайран ҡалдырҙы
Башҡорт һәм татар эстрадаһының йәш йондоҙҙары Гөлназ Асаева һәм уның кейәүе Вилдан Шәмсетдинов тамашасыларын һәм тормоштарын күҙәтеп барғандарҙы аптыратыуын дауам итә.
Тәүҙә уларҙың мосолман йолаһы буйынса үткән никахы кешеләрҙә ҙур ҡыҙыҡһыныу уятһа, аҙаҡ артыҡ иғтибар хатта йәштәрҙе бер аҙ ҡурҡытты ла. Гөлназ Асаева артыҡ иғтибарҙың күңелдәрен ҡырыуын социаль селтәрҙә лә белдерҙе:
- Хөрмәтле журналистар, беҙ никах темаһына интервью биреүҙән баш тартабыҙ. Зинһар өсөн, беҙҙең директорҙарға, таныштарға, яҡындарыбыҙға шылтыратыуығыҙҙы туҡтатығыҙ! Аңлауығыҙ өсөн ҙур рәхмәт!, - тип яҙғайны йырсы ҡыҙ.
Унан һуң йырсы социаль селтәрҙә үҙенең аудиторияһына ҙур рәхмәт белдереп сығыш яһаны:
– Ҡайнар сәләм, ҡәҙерлеләрем! Дуҫтар, минең сәхифәгә яҙыусылар, һеҙгә йылы һүҙҙәрегеҙ, ихлас ҡотлауҙарығыҙ өсөн ҙур рәхмәт! Миңә әйткән теләктәрегеҙ үҙегеҙгә күп тапҡырға күберәк әйләнеп ҡайтһын! Хөрмәт иткәнегеҙ өсөн рәхмәт! Һәр саҡ шулай асыҡ һәм ихлас булып ҡалығыҙ! – тип яҙҙы Асаева.
Хәҙер иһә йәштәр тынысланған һәм никахтан һуң ҡайҙалыр ял итергә киткән, тип уйлайһығыҙмы? Яңылышаһығыҙ!
Гөлназ социаль сетәрҙә яңы видео өҫтәгән. Улар Вилдан менән унда... никахтан һуң килгән килемен иҫәпләй. Баҡһаң йәштәр был көндәрҙә аҡса эшләү менән мәшғүл.
Ә ниңә аптырарға? Концерттар юҡ, ә йәшәргә кәрәк. Шулай итеп, йәштәр дөрөҫ туҡланыу һәм организмдың детоксы өсөн өҫтәмәләр һатыу менән мәшғүл.
Аҙна буйына йәш кейәү менән кәләш бер нисә урында булырға өлгөргән, эшлекле осрашыуҙар үткәргән. Видеола күренеүенсә, эштәре бик тә һөҙөмтәле булған.
- Ниһәйәт, эш хаҡын алдыҡ! Юҡҡа эшләмәйбеҙ ҙә. Сит кешенекен түгел, үҙ аҡсаларымды күрһәтәм, - ти видеояҙмала йырсы.
Булдырам, тип тырышып ятҡан йәштәргә “афарин” тиергә генә ҡала.
Был хаҡта “Комсомольская правда” порталы хәбәр итә.
Фото геройҙарҙың шәхси сәхифәләренән.
Автор: Гүзәлиә Балтабаева
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05