-19 °С
Ясна
75 лет Победы
Бөтә яңылыҡтар
"Аманат" йондоҙлоғо
4 Сентябрь 2022, 10:25

Иҙел Нурғәлин

Иҙел:  – Ир-егет донъя тотҡаһы, ғаиләһенә ныҡлы терәк, юл ярып алдан барыусы, ә ҡатын-ҡыҙ тыйнаҡ, донъя йәме, ғаилә усағын һаҡлаусы булғанда тормош матурҙыр.

Иҙел Нурғәлин
Иҙел Нурғәлин

Иҙел Нурғәлин

 

Йәшәү девизы – "Тырышҡан ташҡа ҡаҙаҡ ҡаҡҡан".

Яратҡан миҙгеле – һәр миҙгелдең үҙ матурлығы – барыһын да яратам.

Ғаилә хәле – өйләнгән. Ҡатыны Ирина менән Айҙар исемле ул тәрбиәләй.

– Иҙел, тәү башлап сәхнәгә нисә йәшеңдә сыҡтың?

– Тәү тапҡыр сәхнәгә балалар баҡсаһына йөрөгәндә сыҡтым. Шул мәлдән сәхнә тормошо оҡшап китте.

– Ҡайһы композиторҙарҙың ижады күңелеңә яҡын? Бөйөк классиктарҙан кемдәр оҡшай?

– Мин автор-башҡарыусы булараҡ күпселек үҙем ижад иткән йырҙарҙы башҡарам. Профессиональ музыкант булыуым Моцарт, Бах кеүек шәхестәрҙең дә әҫәрҙәрен күп үҙләштерергә тура килде.

– Ҡаҙаныштарың, яулаған уңыштарың тураһында ни әйтерһең?

– 2006 йылда Стәрлетамаҡ ҡалаһында үткәрелгән йәш музыканттар республика конкурсында 3 урын; 2007 йылда Ҡазанда иң яҡшы аккомпаниатор исеме алып ҡыуандым; 2008 йылды Өфөлә уҙғарылған Халыҡ-ара музыканттар конкурсында 1 урын; 2008 йылда “Гәлсәр һандуғас” телевизион фестивале лауреаты.

– Ир-егеттәр, ҡатын-ҡыҙҙар характерында күберәк ниндәй сифаттар оҡшай?

– Ир-егет донъя тотҡаһы, ғаиләһенә ныҡлы терәк, юл ярып алдан барыусы, ә ҡатын-ҡыҙ тыйнаҡ, донъя йәме, ғаилә усағын һаҡлаусы булғанда тормош матурҙыр.

– Киләсәккә ниндәй маҡсаттар менән йәшәйһең?

– Үҙ ижадымды артабан үҫтереү, ғаиләм менән матур тормош көтөп, алға атлау.

– Холҡоңда ниндәй ыңғай һәм кире сифаттар бар?

– Холҡом уртасалыр тип уйлайым.Нимәлер оҡшамаһа тураһын әйтә һалмайым, ләкин баш тартыуым да бар. Ә күңелгә ятҡан нәмәне хупларға тырышам. Кире сифаттарҙы булдырмаҫҡа тырышам.

– "Аманат"журналы уҡыусыларына ниндәй теләктәреңде әйтерһең?

– Журнал уҡыусыларға уңыштар, уй-хыялдары, маҡсаттары тормошҡа ашыуын теләйем. Һәр ваҡыт алға ынтылһындар!

 

Иҙел Нурғәлин
Иҙел Нурғәлин
Иҙел Нурғәлин
Автор:ЗӨБӘРЖӘТ ЯҠУПОВА
Читайте нас в