Легендар рок-йырсы Дим Мәннәнгә «Башҡортостандың халыҡ артисы» исеме бирелде

Легендар йырсы, «Дәрүишхан» төркөмө солисы Дим Мәннәнгә үлгәндән һуң «Башҡортостандың халыҡ артисы» исеме бирелде. Башҡортостан премьер-министрының беренсе урынбаҫары вазифаһын башҡарыусы Урал Килсенбаев бөгөн «Дәрүишхан рухы» концертында награданы йырсының ҡатыны Альбина Ҡоләхмәтоваға тапшырырҙы.

Ошондай уҡ исем менән «Рух» төркөмөнөң тәүге солисы Ғәзинур Биктимеров (үлгәндән һуң), «Дәрүишхан» төркөмө төркөмөнөң хәҙерге лидеры Альберт Ғәббәсов наградаланды. Указға Башҡортостан Башлығы Радий Хәбиров ҡул ҡуйған. «БР-ҙың атҡаҙанған артисы» һәм «БР-ҙың атҡаҙанған мәҙәниәт эшмәкәре» званиелары йырсылар Ринат Зариповҡа һәм Юлай Асҡаровҡа, Хәйбулла районы Маҡан ауылының мәҙәниәт йорто хеҙмәткәре Сергей Захаровҡа тапшырылды.  

1990 йылдарҙа Дим Мәннән «Дәрүишхан» төркөмө солисы булараҡ танылыу яулай. Төркөм иһә башҡорт эстрадаһында иң популяр коллективтарҙың береһе була. Дим Мәннән (Ҡоләхмәтов) 2005 йылда 35 йәшендә ҡапыл вафат булғас, «Дәрүишхан» төркөмө тарҡала.