Өфө уҡыусыһы Кремлдә йырланы

– Сәләм, Рамаҙан! Хәлең нисек? Ҡайҙа уҡыйһың?
– Сәләм! Аллаһҡа шөкөр, хәлем һәйбәт! Өфөнөң Нариман Сабитов исемендәге 1-се балалар музыка тәрбиәләнеүсеһемен.
– Ғаиләң тураһында ла һөйләп үт әле?
– Әсәйем минең — хужабикә, өйҙә мине концерттарға һәм сығыштарға әҙерләшә, шулай уҡ уҡыуҙа ярҙам итә. Атайым Себерҙә эшләй, ғаиләне тәьмин итә. Апайым Алһыу Өфө сәнғәт училищеһының эстрада вокалы бүлегендә уҡый.
– Һиңә йыр, моңға һәләт ҡайҙан килә?
– Өйҙә барыбыҙ ҙа йырлайбыҙ. Атай гармунда уйнай, ә әсәй яғынан өләсәй баянда уйнай.
– Уңыштарың менән уртаҡлашып үтһәңсе?
– Мин “Тауыш. Балалар” телевизион шоуында ҡатнаштым. “Төп балалар йырҙары” проекты еңеүсеһемен.
“Сулпылар – 2021”, “Өфө тулҡыны – 2022”, “Йондоҙҙар Юлы-2024” (Ҡаҙан ҡалаһы), шулай уҡ “Маэстро Джаз” XV Бөтә Рәсәй балалар һәм үҫмерҙәр конкурсында, йәғни барыһында ла еңдем һәм Гран-приға лайыҡ булдым.
Һәр еңеүем өсөн ата-әсәйемә һәм уҡытыусыларыма бик рәхмәтлемен!
– Кумирҙарың бармы?
– Кумирҙарым юҡ, төрлө йырсыларға ҡарап, илһам нуры, рух алам. Уларға ҡарап, үҙемде төрлө яҡлап үҫтерергә тырышам.
– Буш ваҡытыңды нисек үткәрәһең?
– Буш ваҡытымда баянда уйнайым, турникта шөғөлләнергә яратам.
– Киләсәккә ниндәй пландар менән йәшәйһең?
– Үҙ йырҙарымды башҡорт һәм урыҫ телдәрендә студияла яҙҙырырға һәм клиптар төшөрөргә хыялланам. Карьера баҫҡысы буйлап уңышлы ғына үрләргә ине.
– “Аманат” журналына, уның уҡыусыларына ниндәй теләктәрең булыр?
– Журнал уҡыусыларына һаулыҡ, тырышлыҡ һәм тыныслыҡ теләйем. Ҙур хыялдарға ынтылып йәшәгеҙ. Тормош бит ул шундай сағыу һәм матур!
– Әңгәмәң өсөн ҙур рәхмәт! Тик уңыштар теләйбеҙ һиңә, Рамаҙан!