+12 °С
Ямғыр
Бөтә яңылыҡтар
АмаNet
3 Октябрь 2019, 20:00
Нисек интернетта аҡса эшләргә?-3
Интернетта аҡса эшләүҙең тағы бер ысулы – интернеттағы һорауламаларғаяуаптар биреү һәм видео ҡарау.
Һораулама килем килтерә
Интернетта аҡса эшләүҙең тағы бер ысулы – интернеттағы һорауламаларға яуаптар биреү. Был ысулда тейешле тема буйынса һорауҙарға яуаптар биргән өсөн аҡса күсерелә. Бер һораулама 10-30 минут ваҡытты ала. Тик уның уртаса хаҡын белеүе ауыр. Ҡайһы берәүҙәр 10-50, ә бәғзеләре хатта яуап өсөн 100-200 һум түләй. “Эш хаҡы” һорауҙарҙың күплегенә, йөкмәткелегенә һәм әһәмиәтле булыуына бәйле.
Һораулама үтеү өсөн сайтта теркәлгәндә йәшегеҙ, ғаилә хәле, белемегеҙ, тәжрибәгеҙ, автомобилегеҙ һәм мөлкәтегеҙ хаҡында мәғлүмәт талап ителә. Ошо мәғлүмәттәргә нигеҙләнеп, сайт һорауламалар ебәрә. Уларҙы компьютерҙан ғына түгел, телефондан ла үтеп була. Шулай булғас, эшкә йәки уҡыуға китеп барған саҡта, йәһәт кенә түбәндәге сайтарға инеп аҡса эшләргә була:
GlobalTestMarket;
Анкетка;
Surveys;
i-say;
Recruitment.
Был сайттарҙа теркәлеү өсөн аҡса талап ителмәй. Интернет һорауламалар аша айына 500 һумдан алып 5000-гәсә эшләп була, тиҙәр был эш менән шөғөлләнгәндәр.
Видео ҡарап аҡса эшләү
Мин YouTube видеохостингында төрлө ҡыҙыҡлы видеолар ҡарарға яратам. Уны кем яратмай инде? Ә был шөғөл аҡса килтергәнен белгәс, ныҡ ҡыуандым. Тик нисек? Үткән һанда букстар хаҡында бәйән иткәйнек. Шулар аша һәм махсус сайттар аша. Тик видеоларҙы аҙағына тиклем “һикертмәй” генә ҡарарға кәрәк. Шулай уҡ лайыҡ ҡуйырға, комментарий яҙырға тигән шарт ҡуйылыуы ихтимал.
Махсус сервистар теҙмәһен тәҡдим итәбеҙ. Бында видео ҡарап аҡса эшләп була:
LikesRock;
Forumok;
Piarim;
VKtarget.
Бер ике сәғәт эсендә 50-100 һум аҡса эшләп була. Эш бик еңел, ләкин хаҡы ла ябай инде.
Рәзил БИКБУЛАТОВ әҙерләне.
Киләһе һанда мобилле ҡушымталар һәм уйындар рҙамында аҡса эшләргә өйрәтербеҙ. Беҙҙең сайтта https://amanat.rbsmi.ru/ АмаNet рубрикаһын байҡап тороғоҙ, дуҫтар!
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05