-14 °С
Болотло
75 лет Победы
Бөтә яңылыҡтар
АмаNet
20 Ғинуар 2020, 14:52

НИСЕК ИНТЕРНЕТТА АҠСА ЭШЛӘРГӘ? – 5

Копирайтинг – ул рекламаның йәки презентацияның тексын яҙыу, ә яҙыусыһы – копирайтер. Тик копирайт менән бутамағыҙ! Рерайтинг – ул материалдарҙы эшкәртеп яҙыу тигәнде аңлата. Ә тексты алып, уны үҙеңсә үҙгәртеп яҙыусы – рерайтер була.

Копирайтинг һәм рерайтинг
Копирайтинг – ул рекламаның йәки презентацияның тексын яҙыу, ә яҙыусыһы – копирайтер. Тик копирайт менән бутамағыҙ! Рерайтинг – ул материалдарҙы эшкәртеп яҙыу тигәнде аңлата. Ә тексты алып, уны үҙеңсә үҙгәртеп яҙыусы – рерайтер була. Бына ошо ысулдар менән дә интернетта аҡса эшләп була. Etxt – текстар биржаһында төрлө эштәр табып була. Күптәр белмәй: букстар аша текстар яҙып, хаҡтың яртыһынан да аҙын ала. Мәҫәлән: бер танышым ике сәғәт буйына Word программаһында бер табаҡ бит текст яҙып биргән дә 36 һум ғына алған. Шуға тура www.etxt.ru/ сайтына сыҡһағыҙ, эшегеҙгә күберәк түләйәсәктәр. Сөнки был платформала эш биреүсе менән эш алыусы туранан-тура эшләй. Текст яҙыу өсөн профессиональ журналист, йәки филолог булыу кәрәкмәй. Заказдар бында күп, шуға күрә үҙеңә оҡшаған теманы алырға була. Мин автомобилдәр, компьютер технологиялары, төҙөлөш эштәрен яратам. Шуға ла был темаларҙы эҙләп табам да заказдар алам. Маникюр темаһын бөтөнләй белмәгәс уға яҡын да бармайым. Шуға ла үҙегеҙ белгән теманы һайлағыҙ! Был осраҡта дуҫығыҙға белмәгән нәмәһен аңлатҡан кеүек яҙырға кәрәк. Һөйләгән һымаҡ, тик текст аша була инде. Фәлсәфәүи тексты интернет ҡулланыусы аңлап етмәҫ. Копирайтинг биржалары интернетта бихисап. Шуға ла беҙ һеҙгә бер нисәүһенең теҙмәһен бирәбеҙ:
Etxt.ru
Advego
Copylancer.ru
Turbotext.ru
Contentmonster
Textsale.ru
Бөтәһендә лә теркәлгәндә яҡшы булыр, заказдар күберәк булыр. Теркәлгәндә лә ентекле итеп һәр бер графаһын тултырығыҙ һәм шулай уҡ эшләнгән эштәрегеҙҙән торған портфолио ҡуйырға ла онотмағыҙ. Иң мөһиме – һәр бер эште еренә еткереп эшләгеҙ, сөнки һөҙөмтәлә эш биреүсе һеҙҙең эшегеҙгә баһа яҙып ҡуя. Репутацияғыҙҙы боҙһағыҙ, ҡиммәтле заказдарҙан ҡолаҡ ҡағаһығыҙ. Тора бара һәйбәт эш тәҡдим итеүселәр барлыҡҡа килә башлай. Ҡайһы берәүҙәре менән туранан тура бәйләнештә эшләргә лә була. Ә был иһә биржаларға түләүҙән азат итә.
Курс һәм өйгә эш, рефераттар
Ә һеҙ беләһегеҙме? Бөгөн интернетта өйгә эш буйынса ла ярҙам итәләр. Бер өйгә эште 200–300 һумға эшләйҙәр, хатта ҡайһы берәүҙәр 1000–1500 һум тәҡдим иткән осраҡтары ла теркәлгән. Был ысул ике төрлө аҡса эшләү мөмкинлеге бирә. Беренсеһе – үҙем баш, үҙем түш тип, үҙаллы эшләү. Был осраҡта үҙең ярҙамға мохтаж кешеһен табырға тейешһең. Бындай эште тематик форумдарҙа табалар: форумдар, социаль селтәрҙәрҙәге төркөмдәрҙә, махсус сайттарҙа һәм башҡа ерҙә. Тик үҙаллы эшләгән осраҡта конкуренция көслө булыуын да онотмайыҡ. Икенсе осраҡ – ул күмәкләп эшләү. Ошо сайттар теҙмәһе һеҙгә ярҙамға килер:
Автор24
Сделай уроки
Студланс
Напишем
StudWork
Хөрмәтле уҡыусылар! Ты рышҡан-табыр, тигән ата-бабаларыбыҙ. Беҙ ҙә тырышайыҡ! Аҡса күктән килеп төшмәй. Уны эшләп табалар.
Читайте нас в