Банк картаһын тапҡан осраҡта нимә эшләргә?

14 йәше тулмаған балаға закон буйынса яуап бирергә тура килмәй. Әммә ун бер йәштән махсус учреждениеларға, тәрбиә биреү һәм артабанғы закон боҙоуҙарҙы иҫкәртеү өсөн ебәреүҙәре мөмкин.
Кешенең картаһынан аҡса урлау – ул ауыр енәйәт тип һанала. Яза ла ҡаты.
Әгәр банк картаһын тапһаң нимә эшләргә һуң?
– Уны файҙаланма.
– Банкоматтан аҡса алма, аҡсаһын башҡа картаға күсермә.
– Табылған карта менән бер ниндәй магазинда ла, ғөмүмән, бер ҡайҙа ла иҫәпләшмә.
– Карта хужаһын үҙаллы, социаль селтәрҙәр аша табырға тырышма.
– Банк картаһын полиция хеҙмәткәрҙәренә тапшыр.
Ошо үрҙә әйтелгәндәр тураһында белгәнеңде һөйлә. Юғиһә тиҫтерҙәрең был хаҡта белмәүе ихтимал. Енәйәт яуаплылығы – 16, ә ауыр енәйәттәр өсөн яуаплылыҡ 14 йәштән ҡаралған.