+13 °С
Болотло
Бөтә яңылыҡтар
Бөтә Рәсәй халыҡ иҫәбен алыу - 2020
21 Сентябрь 2020, 00:10
Туймазы районы Төмәнәк ауылында Шәжәрә байрамы
Байрам Туймазыла райондың һәм ҡаланың юбилейына арналған «Быуындарҙы бәйләй-бәйләй» исемле конкурс сиктәрендә уҙғарылды.
Байрамға килеүселәр ғаиләләре тураһында һөйләне, күп шәжәрәләр бер нисә быуатлыҡ тарих һаҡлай. Ҡайһы берҙәре был мәғлүмәтте конкурсҡа тиклем үк йыя башлаған. Мәҫәлән, әле Мәскәү өлкәһендә йәшәгән хәрби Ирек Фәтхелисламов шәжәрәһен бер нисә йыл инде өйрәнә. 11-се быуынына тиклем ентекле мәғлүмәт туплаған. Ҡағиҙә булараҡ, конкурста ҡатнашыусыларҙың шәжәрәләрендә тарихи шәхестәр булыуы ла асыҡлана. Фәтхелисламовтарҙың ата-бабаһы Солтанморат Үтәгәнов та шундайҙарҙан, ул оҙон хәрби юл үткән, 18-се быуатта поляктарға ҡаршы походта ҡатнашҡан.
«Бабабыҙ Солтанморат Үтәгәнов- Ҡаңлы ырыуы башҡорто. Күп алыштарҙа ҡатнашҡан кеше, хатта Салауаттың атаһы Юлай Аҙналин менән дә бергә хәрби походта йөрөгән. Ырыуҙаштары араһында абруйлы, грамоталы шәхес булған. Уның төрлө юғары органдарға яҙған хаттары, мөрәжәғәттәре һаҡланған, мәҫәлән, генерал-прокурор А.Б. Куракинға помещик Тевкелев тарафынан законһыҙ ер алыныуы хаҡында ялыуын таптыҡ»,-тип һөйләй Ирек Фәтхелисламов.
Видеоконкурстың жюри рәйесе Альберт Исмаил байрамға килеүселәрҙе шәжәрәләр менән таныштырҙы. Күргәҙмәнән һуң, ҡунаҡтар Туймазы районы һәләттәренең концертын ҡараны. «Быуындарҙы бәйләп» шәжәрә конкурсына йомғаҡ яһалды, еңеүселәр араһында балалар ҙа, ололар ҙа бар ине. Уларға диплом һәм иҫтәлекле бүләктәрҙе Туймазы район хакимиәтенең мәҙәниәт бүлеге етәксеһе Рәмзин Әбсәләмов тапшырҙы.
Конкурс еңеүселәре:
-14 йәшкә тиклемгеләр араһында Динар Минәзов и Сабина Шәйҙуллина
— ололар араһында Ирек Фәтхелисламов, Юлий Ҡудашев
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05