Бөтә яңылыҡтар
Дөйөм мәҡәләләр
2 Апрель 2020, 15:08

Йомғаҡ-йомғаҡ йомаҡтар

Ҡыҙҙар, егеттәр! Әйҙәгеҙ башватҡыстар сисеп, йомаҡтарға яуаптар табайыҡ әле!

Мең һанат, мең һалдат, һәр һалдатта мең ҡанат.
Ишектән керер, түргә уҙыр.
Һәр ер ҡарланған,
Һыуҙар боҙланған,
Уйнай ел-буран —
Был ҡай саҡ, туған?

Ҡылансыҡ ҡыҙ ҡырҙа йөрөй,
Ҡыр тауығын ҡыра йөрөй.

Йәйен - урманда батша,
Ҡышын - ҡарҙан да аҫта.

Йәйен һоро, ҡышын аҡ, уға шулай яҡшыраҡ.

Йәшел төҫлө кейемдәрен
Кейеп тора ағайҙар.
Йәйҙәр үтә, көҙҙәр үтә -
Һис бер уны һалмайҙар.

Бер нәмә лә тегә белмәй, энәләр тағып йөрөй.

Һоролор төҫө, үткерҙер теше?

Ҡош түгел — оса, өкөнән ҡурҡа, сәтләүекте ярата, һыҙғырһа, урманды яңғырата.
Лабиринтты үт.
Һан рәте буйынса бөтөн бүлмәләргә лә инеп сығырға кәрәк. Тик бер ишектән бер тапҡыр ғына үтергә ярай.