“Аманат”тың аҙашы – Дим биҫтәһендә!

Өфө ҡалаһының Дим биҫтәһендә республикала тәүге полилингваль балалар баҡсаһы асылды.

"Бәйләнештә" сайтында тауыш биреү ысулы менән көҙ көнө уға исем һайлау әүҙем барғайны. Күпселек тауыш менән "Аманат" атамаһы еңде! Яңы аҙашыбыҙ Дим биҫтәһенең “Яркий” микрорайонында урынлашҡан.

202-се һанлы “Аманат” полилингваль балалар баҡсаһы 180 урынлыҡ. Һигеҙ төркөмдән торған был заманса мәктәпкәсә учреждение, йәш әсәләргә ике айлыҡ сабыйын да ҡалдырып торорға мөмкинселек бирә. Бинаның барлыҡ бүлмәләре лә дизайндың заман технологияларын ҡулланып, уңайлы һәм иң мөһиме балалар өсөн хәүефһеҙ итеп эшләнгән. Спорт залы, музыка һәм өҫтәмә белем биреү, һүрәт төшөрөү, тәбиғәтте, туған телде өйрәнеү кабинеттары бар. Бында балаларҙы яратҡан психологтар, логопедтар, уҡытыусылар, тәрбиәселәр, ашнаҡсылар эшләй.