+12 °С
Ямғыр
Бөтә яңылыҡтар
Дөйөм мәҡәләләр
3 Март 2021, 13:00
Минең әсәйем!
Ауырғазы районы Талбазы Башҡорт гимназияһының икенсе синыф уҡыусылары әсәйҙәре тураһында "Аманат" ҡа йылы хаттар яҙып ебәргән.
Минең әсәйем!
Әсәй!Донъяла иң һылыуы әсә кеше. Шул уҡ ваҡытта әсә кеше һиңә кәңәш биреүсе лә, яҡын дуҫың да булып тора.
Минең әсәйем- Шәфиева Гүзәл Рим ҡыҙы. Ул 1991 йылдың 4 июлендә Ҡорманай ауылында донъяға килгән.
Әсәйем гөлдәр ярата. Йәй көнө баҡсала төрлө сәскәләр үҫтерә.Мин мәктәптән ҡайтыуға тәмле-тәмле ризыҡтар бешереп ҡуя.Ял көндәрендә беҙ саф һауала йөрөргә яратабыҙ.Әсәйем һәр кисте наҙлап йоҡлата, ә иртән һөйөп уята.
Мин шул тиклем бәхетлемен , сөнки әсәйем миңә ғүмер биргән .Әсәйем эргәлә булһа, шул тиклем рәхәт.
Шәфиев Алмаз
Ер йөҙөндә иң яҡшыһы, иң яҡыны –ул минең әсәйем.
Әсәйемдең исеме Гөлнәфис.Ул мәктәптә уҡытыусы булып эшләй.Беҙ уның менән баҡсала эшләргә, ял көндәрендә төрлө тәмлекәстәр бешерергә, китап уҡырға яратабыҙ.Мин әсәйемдең терәге, уны яҡлап , һаҡлап торам.
Һатлыҡов Самат
Минең әсәйемдең исеме Әлиә. Ул бик тырыш, яғымлы, мөләйем, матур әсәй. Әсәйем беҙҙе тәмле аштары менән ҡыуандыра.Беҙгә һәр ваҡыт ярҙам ҡулын һуҙа.Беҙ уны бик ныҡ яратабыҙ.
Ибатуллина Ралина
Әсәйемдең исеме Гөлнара.Мин уны шул тиклем ныҡ итеп яратам.Ул мине ҡолонсағым тип кенә йөрөтә.
Әсәйем минең матур, аҡыллы, эшһөйәр, яғымлы кеше. Уның бешергән ризыҡтары телеңде йоторлоҡ. Ә мин бигерәк тә ҡорот менән бишбармаҡ ашын яратам.Әсәйем минең өсөн иң яҡын кеше был донъяла, шуға мин уны бер ҡасан да ҡайғыртмаясаҡмын, уға терәк булып үҫәсәкмен.
Абдрахманова Илзирә
Әсәйемдең исеме Резида. Уға 33 йәш. Әсәйем дауаханала шәфҡәт туташы булып эшләй.Минең әсәйем бик матур:ҡара бөҙрә сәсле, ҡуңыр күҙле. Ул бигерәк егәрле, аҡыллы, хәстәрлекле.Мин уны шул хәтлем яратам.
Мөхәмәтшина Розалина
Минең әсәйем матур, яғымлы, унан тәмле еҫтәр сыға.Ни өсөн әсәйемдән тәмле еҫтәр сыға икән ?Сөнки әсәйем тәмле аштар , бәлештәр бешерә. Әсәйемде ҡосаҡлаһам, уны ебәрәһем килмәй.Өйҙә әсәйем үҫтергән гөлдәрҙән дә иҫ киткес тәмле еҫтәр тарала, сөнки уларҙы әсәйемдең ҡулдары үҫтерә. Мин әсәйемде яратам, өйгә йүгереп ҡайтам.
Сисин Данил
Минең әсәйемдең исеме Әлиә.Ул Талбазы башҡорт гимназияһында уҡытыусы булып эшләй. Уға 36 йәш. Әсәйем матур, аҡыллы,яғымлы, эшһөйәр кеше. Ул сәскәләр ярата. Бешергән аштары телеңде йоторлоҡ. Мин әсәйемә ярҙам итәм: өй йыйыштырам, һауыт-һаба йыуам.Әсәйемде бик яратам!Уның менән ғорурланам.
Мөхәмәҙйәров Ильяс
Ауырғазы районы Талбазы Башҡорт гимназияһының икенсе синыф уҡыусылары.
Абдрахманова Илзирә
Ралина Ибәтуллина
Ильяс Мөхәмәтйәров
Розалина Мөхәмәтшина
Самат Һатлыҡов
Данил Сисин
Алмаз Шәфиев
Читайте нас:
© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05