Денис Пушилинға "Аҡбуҙат" журналын бүләк иттеләр

11 октябрҙә "Башҡортостан" дәүләт концерт залында Республика көнөнә арналған тантаналы йыйылыш барышында төбәк етәксеһе Радий Хәбиров “Аҡбуҙат” журналының Донбасс балалары өсөн махсус сығарылышынан тәүге тапҡыр урыҫ телендә нәшер ителгән сигнал данаһын Донецк Халыҡ Республикаһы Башлығы вазифаһын ваҡытлыса башҡарыусы Денис Пушилинға тапшырҙы.

Был һанды туплауҙа Башҡортостандан һәм Донецк Халыҡ Республикаһынан балалар ҡатнашты. Журналда уларҙың шиғырҙары, әҫәрҙәре, хикәйәләре, һүрәттәре баҫылған. Баҫманың тиражы – 1 000 дана.

Республика күп йылдар дауамында Донбасс мәктәптәренә китаптар менән ярҙам итә, тип билдәләне Башҡортостан Башлығы.

– Беҙ артабан да һеҙгә китаптар, журналдар ебәрәсәкбеҙ. Төбәктәребеҙҙең яҙыусылары, шағирҙары осрашыр, яңы ижади әҫәрҙәр ижад итер тип ышанабыҙ, – тине Радий Хәбиров.

- Мәҙәниәт берләштерергә тейеш. Күп милләтле Рәсәйебеҙ ошоноң менән бай ҙа инде, – тип өҫтәне Денис Пушилин.

Фото: Башҡортостан Башлығы сайтынан һәм Башинформ агентлығынан алынды.