Башҡортостан “Беренселәр хәрәкәте”нә тәүгеләрҙән булып ҡушылды

Башҡортостан “Беренселәр хәрәкәте”нә тәүгеләрҙән булып ҡушылды

Башҡортостанда "Беренселәр хәрәкәте" Бөтә Рәсәй балалар һәм йәштәр хәрәкәтенең беренсел бүлексәләрен асыуға 865 мәғариф учреждениеһы һәм йәштәр сәйәсәте учреждениеһы теләк белдергән. Был һан буйынса республикабыҙ ил буйынса алдынғылар иҫәбендә.  Башҡортостанда «Беренселәр хәрәкәте» ниндәй Хәрәкәт ул?

Башҡортостанда «Беренселәр хәрәкәте» ниндәй Хәрәкәт ул?

Рәсәй балалар һәм йәштәр хәрәкәте бар, ә был - уның төбәк бүлексәһе. Ул балалар менән берлектә һәм балалар өсөн булдырыла һәм үҫешә! Тәүгеләр хәрәкәте балаларҙың бөтә ойошмаларын берләштерә. Унда ҡатнашыусылар бер команда булараҡ эш итә, бер-береһенә уҡыуҙа, хеҙмәттә һәм һәләттәрен асыуҙа ярҙам итә.

Ҡатнашыусылар - 6 йәштән 18 йәшкә тиклемге мәктәп уҡыусылары һәм колледж студенттары.
 Хәрәкәт нимәнән башланған
  «Ҙур тәнәфес» конкурсында ҡатнашыусы ҡыҙ Рәсәй Президентына дөйөм балалар хәрәкәте булдырырға тәҡдим итә. Был 2022 йылдың 20 апрелендә «Рәсәй - мөмкинлектәр иле» коммерцияға ҡарамаған автономлы ойошмаһының Күҙәтеү советы ултырышында була.
  2022 йылдың 14 июлендә Президент «Рәсәй балалар һәм йәштәр хәрәкәте тураһында»ғы Федераль законға ҡул ҡуя. Ошонда ҡарағыҙ.
  «Беренселәр хәрәкәте»нең Башҡортостандағы тәүге бүлексәләре 2022 йылдың 28 декабрендә Чесноковкалағы «Юлдаш» белем биреү үҙәгендә һәм Өфө радиоэлектроника, телекоммуникациялар һәм хәүефһеҙлек колледжында асыла.

 Ойошмаға нисек инергә
  Ойошма ағзаһы булыу өсөн, будьвдвижении.рф сайтына инеп, "Хәрәкәткә ҡушылырға» һылтанмаһы буйынса теркәлеү ҙә етә
  "Бәйләнештә" төркөмөндәге «Башҡортостанда тәүгеләр хәрәкәте» рәсми төркөмө https://vk.com/rddmrb, һәм Рәсәй берләшмәһенең социаль селтәре https://vk.com/rddm_official аша ла ҡушылырға мөмкин.

 Үҙ йүнәлешеңде нисек табырға
Улар бөтәһе 12 - мәғариф һәм белем; фән һәм технологиялар; хеҙмәт, һөнәр һәм үҙ эшең; мәҙәниәт һәм сәнғәт; ирекмәнлек, илһөйәрлек һәм тарихи хәтер; спорт; сәләмәт йәшәү рәүеше; медиа һәм коммуникациялар; дипломатия һәм халыҡ-ара мөнәсәбәттәр; экология һәм тәбиғәтте һаҡлау; туризм һәм сәйәхәт.Башҡортостандағы түбәндә һанап үтелгән ойошмалар «Беренселәр хәрәкәте»нә инде  Юнармия, Башҡортостан пионерҙары, Хәүефһеҙлек мәктәбе, Йәш журналистар лигаһы, Рәсәй йәштәр союзы, Рәсәй төҙөлөш отрядтары, «Вымпел» хәрби-патриотик үҙәге, Граждандар аң-белем таратыу союзы, «Ҙур тәнәфес» конкурсында ҡатнашыусылар.

Пландар Башҡортостандың барлыҡ райондарында - муниципаль, һәр мәктәптә, юғары уҡыу йортонда, урта махсус уҡыу йортонда, балалар ижады йорттарында, спорт үҙәктәрендә һәм өҫтәмә белем биреү үҙәктәрендә - Хәрәкәттең беренсел бүлексәләре асыла.

Һылтанма буйынса афишаны ҡарап, үҙеңде ҡыҙыҡһындырған йүнәлеште табырға мөмкин.


Дуҫтарығыҙ менән уртаҡлашығыҙ!

#Аңлатабыҙ_Башҡортостан