Архангелдә осрашыу үтте!

Архангелдә осрашыу үтте!

Архангел районының Ҡыҫынды һәм Абҙан мәктәптәре уҡыусылары “Аманат” журналы һәм “Йәншишмә” гәзите хеҙмәткәрҙәре менән осрашты. Башҡортостан уҡыусылары өсөн Республикабыҙҙа башҡорт телендә  сыҡҡан берҙән-бер баҫма улар.

Журналдың яуаплы секретары Зөбәржәт Яҡупова һәм гәзиттең баш мөхәррире Мирсәйет Юнысов  “Аманат” һәм “Йәншишмә” редакцияларында республика кимәлендә ойошторолған төрлө саралар, конкурстар, яңы темалар, рубрикалары менән яҡындан таныштырҙы.

Ҡыҫынды мәктәбенең бер төркөм уҡыусыларына – төрлө конкурс еңеүселәренә – Маҡтау билдәләре, иҫтәлекле бүләктәр ҙә тапшырҙылар.

Шулай уҡ был белем усаҡтарында уҡыусы балалар 2025 йылға “Аманат” менән “Йәншишмә”гә дәррәү яҙылып, киләсәктә конкурстарында ҡатнашырға, әүҙем хеҙмәттәшлек итергә тигән теләк белдерҙе.