Бөтә яңылыҡтар
Егетлек мәктәбе
7 Август 2019, 14:39

Янғындан ике баланы ҡотҡарған.

Учалы районының Илтабан ауылында яңғын сыҡҡан. Ике бала өй эсендә ҡалған.

Фотолағы егет Рөстәм Әғҙәмов янғындан ике баланы ҡотҡарған.

Илтабанда ҙур йортта 14 йәшлек малай менән 9 йәшлек ҡыҙ булғанда яңғын сыҡҡан. Ҡыҙ төтөндө һиҙеп йоҡлап ятҡан ағаһын уятҡан. Янғын сығыу юлын ҡаплаған. Тәҙрәне лә яра алмағандар. Тиҙ арала әсәләренә шылтыратҡандар, тик әсәһенең дә көсөнән килмәгән тәҙрәне ярырға. Шул ваҡыт Рөстәм машинаһында үтеп барған булған. Хәлде тиҙ арала аңлап тәҙрәне ҡутарып алған да беренсе ҡыҙҙы күтәреп алған, аҙаҡ малайға янғын сыҡҡан өйҙән сығырға ярҙам иткән.

Рөстәм Әғҙәмовҡа рәхмәт! Миҙалға лайыҡлы егет. Әйтергә кәрәк Рәсәй Федерацияһының Башҡортостан буйынса МЧС-тың идаралығы Рөстәмгә миҙал биреү тураһында ходатайство ла биргән тип хәбәр ителгән идаралыҡтын сайтында.


Фото социаль селтәрҙән алынды.