Шәп егеттәр!

Ялдарҙы Нуғай ҡасабаһында үткәреп тә, бәләкәстәремә инмәй ҡайтмайым бит инде. Салауат менән Тәлғәт көткән былай ҙа, әсәләренең теңкәһенә тейгәндәр.
--Ҡасан килә?
--Ҡайҙа йөрөй?
--Черепаха что ли!

Пирәшки һәм майипмәктәр бешереп һыйланым тегеләрҙе. Әсәләре “ҡулды йыуып, өҫтәл артында, һөйләшмәй генә” тип башлағайны ла, мин, инәйлек дәрәжәһе менән файҙаланып, киленемдең приказдарын аннулировать иттем:
--Ашаһындар! Урамда йүгереп йөрөп, уйнап йөрөп ашау иң тәмлеһе ул.
Элек ауылға барғанда ҡәйнәм минең балаларҙы шулай яҡлашып туғара ла ебәрә торғайны. Хәҙер үҙем шулай могу бына. Звездный час!

Салауат мәктәпкә йөрөй бит инде. Ҡыҙыҡай менән ултыртҡандар ҙа, был шул хәлдән оялып, ныҡ йәшерә. Хатта атаһына ла дөрөҫөн әйтмәгән.
--Кем менән ултыраһың? – тип һораған атаһы телефондан (аталары ҡырҙа эштә).
--Бер үҙем, - тигән.
--Әсәйең һине ҡыҙыҡай менән ултыра тигәйне.
--Әсәй белмәй ул😶.

Мин дә төпсөнәм:
--Улым, кем менән парталашһың?
Өндәшмәй🤔.
--Исеме кем?
--Белмәйем. (Ярай хет бер үҙем тимәй уже.)
--Матур ҡыҙыҡаймы?
--Ҡараманым😒.
--Сәсе әсәйеңдеке кеүек һарымы, әллә минеке һымаҡ ҡарамы?
Икебеҙгә алмаш-тилмәш ҡарап ала ла, миңә күрһәтә:
--Шулай. (Сәпсим үк ҡарамаған да түгел, тимәк. Башҡорт ҡыҙылыр, тип фаразлайбыҙ.)
--Һөйләшәме ул ҡыҙыҡай берәйһе менән? Теле барҙыр бит?
--Ба-ар! – тип көлә үҙе.
--Ә ни эшләп һин уның менән һөйләшмәйһең?
--Потому что она девочка!☝🏻
— Ә һин иртәгә кәнфит һалып алып бар ҙа, уға бир. Шунан дуҫлашып китәһегеҙ. Ҡыҙҙар кәнфит ярата ул.

Яуап биреүгә бирмәне, әммә өҫтәлдәге кәнфиткә текәле-еп уйлана биреп торҙо. Күңеленә бер орлоҡ төштө, күрәһең✌🏻😁.

Тәлғәтенә ике донъя-бер мөрйә😃Яңы урында баҡсаға ла урынлашмаған әле. Вольная жизнь👍

Миләүшә Ҡаһарманова.