"Өмөтлө ҡәләм" ижад бәйгеһенә йомғаҡ яһалды

17-се йыл барған был бәйгене яҙыусы, Башҡортостандың атҡаҙанған мәҙәниәт хеҙмәткәре, Жәлил Кейекбаев, Муса Гәрәев исемендәге премиялар лауреаты Гөлнур Яҡупова ойошторғайны һәм үҙенең премияларын булдырғайны. Был юлы сара әҙибәнең тыуған ауылында – Жәлил Кейекбаев исемендәге Сәйетбаба урта мәктәбендә – уҙҙы.

Ғафури районының мәктәп уҡыусылары араһында барған "Өмөтлө ҡәләм" ижад бәйгеһенә йомғаҡ яһалды. 17-се йыл барған был бәйгене яҙыусы, Башҡортостандың атҡаҙанған мәҙәниәт хеҙмәткәре, Жәлил Кейекбаев, Муса Гәрәев исемендәге премиялар лауреаты Гөлнур Яҡупова ойошторғайны һәм үҙенең премияларын булдырғайны. Был юлы сара әҙибәнең тыуған ауылында – Жәлил Кейекбаев исемендәге Сәйетбаба урта мәктәбендә – уҙҙы. Еңеүселәрҙе ҡотларға “Аманат” республика балалар һәм үҫмерҙәр журналы, райондың “Табын” гәзите, Сәйетбаба ауыл хакимиәте, РОНО хеҙмәткәрҙәре, район мәктәптәре уҡытыусылары һәм уҡыусылары, төрлө ойошмалар вәкилдәре килгәйне. Тантана бик күңелле барҙы: премия лауреаттарының, номинанттарҙың сығышы, концерт номерҙары күңелдә матур тәьҫораттар ҡалдырҙы.

Тейен

Борон-борон заманда йәшәгән, ти, Тейенбай. Ул бик тә аҡыллы, уңған, тырыш булған. Бер көндө урманға бәшмәк йыйырға сығып киткән, ти. Йөрөй торғас, ҡаршыһына Төлкөбай осраған. Тейенбай:

- Һаумы, Төлкөбай, хәлдәрең нисек? - тип сәләм биргән. Төлкөнөң әллә кәйефе булмаған, әллә үҙе шулай әҙәпһеҙ булған, уға яуап бирмәгән.

Тейен ҡабатлап өндәшкән:

- Нишләп минең менән һөйләшмәйһең?

Төлкөбай йәне көйөп:

- Минең һаулыҡта һинең ни эшең бар? - тигән.

- Һаулыҡ һорашҡанға яуап бирергә кәрәк. Был тәрбиәлелекте аңлата, - тигән Тейенбай, - мине әсәйем шулай өйрәтә.

- Минең бит әсәйем юҡ, улай матур һөйләшергә өйрәтергә, исмаһам, бер дуҫым да юҡ, - тип, моңһоуланып киткән, ти, Төлкөбай.

- Әйҙә, дуҫлашайыҡ! Яғымлы һөйләшергә лә өйрәнерһең, һине башҡалар ҙа яратыр.

Шул көндән башлап улар дуҫлашҡан, ти. Төлкөбай ипле һөйләшергә өйрәнгән. Уның дуҫтары ла күбәйгән, имеш.

Әлиә ХИСАМОВА,

Ғафури районының Красноусол башҡорт гимназия-интернаты уҡыусыһы (“Өмөтлө ҡәләм” район бәйгеһендә "Борон-борон заманда..." номинацияһында “Аманат” журналының бүләгенә лайыҡ булды).

Читайте нас:

© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Телефон

8 (347) 246-31-05

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, 7 этаж

Редакция

8 (347) 246-31-05

Ҡабул итеү бүлмәһе

8 (347) 246-31-05