-4 °С
Болотло
Бөтә яңылыҡтар
Ижад ҡомары
21 Июль 2020, 15:57
Киләсәгем һеҙҙең ҡулда (Әйтеш)
КЕШЕ:– Үткәндәрең һоҡландырғыс,Тарихың да бай һинең.Ризаһыңмы яҙмышыңдан,Нисек һуң бөгөн хәлең?
Киләсәгем һеҙҙең ҡулда
Әйтеш
КЕШЕ:
– Үткәнеңде күреп түгел,
Ишетеп кенә беләм.
Хәтирәләреңде һүтсе,
Эй, ҡәҙерле Ер-Әсәм!?
ЕР-ӘСӘ:
– Мин донъяға килгәндә
Йәм-йәшел матур инем,
Һулаған һауаларым да
Иркен, саф, хозур ине,
Йылғалар ҙа мул һыулы,
Диңгеҙҙәр таҙа ине;
Минең йәшел биҙәгем
Урмандар ҙа бай ине.
Йәнлектәргә – ҡырҙарҙа,
Ҡош-ҡорттарға – урманда,
Балыҡтарға – һыуҙарҙа,
Сәскәләргә – болонда,
Үләндәргә – яланда
Сәхрәләй донъя булғанға
Йәшәү хөрриәт ине.
Егәрле бал ҡорттарым,
Шифалы бал йыйҙылар.
Аллы-гөллө күбәләктәр,
Матурлыҡҡа хайран ҡалып,
Сәскә-гөлдәргә һоҡланып,
Зәңгәр күктәргә шатланып,
Ҡыуанышып остолар.
Был донъяға Кеше тыуғас,
Йәшәү мәғәнәм артты.
Тыуған ерем – Ер-Әсәм, тип,
Йәшәр урыным ошо, тиеп,
Мине бик тә яратты,
Нәҫелдәрен таратты.
КЕШЕ:
– Үткәндәрең һоҡландырғыс,
Тарихың да бай һинең.
Ризаһыңмы яҙмышыңдан,
Нисек һуң бөгөн хәлең?
ЕР-ӘСӘ:
Ашыҡма, Кешем, туҡтап тор,
Һүҙемде тыңла әле.
Бөгөнгөм бит күҙ алдыңда,
Хәлем һиңә билдәле.
...Кеше ерҙә хужа булғас,
Тәкәбберлек артып китте.
Минең бөтә байлығыма,
Сафлығым, матурлығыма
Көндән-көн ныҡ зыян итте.
Тәбиғәтем ҡотһоҙланды,
Йәнлектәрем кәмеп ҡалды,
Урмандарым ярлыланды,
Тауҙарымды ҡырып-талап,
Байлығымды үҙләштерҙе –
Ҡомһоҙлоҡҡа дан йырланды.
Ағастарҙы күпләп ҡырҡып,
Балыҡтарҙы аулап тотоп,
Йылғаларға сүп-сар түгеп,
Һыуҙарымды ҡороталар.
Уғрылыҡты һөнәр итеп,
Аҡсаны ҙур табыш итеп,
Йәштәрҙе лә ҡоторталар.
Дуҫ-туғандар дошманлашып,
Намыҫтарын быс(ы)ратып,
Аҡ йөҙөмдө ҡарайталар.
Бер-береһенә һуғыш асып,
Снаряд-миналар шартлатып,
Күкрәккәйемде йырталар...
КЕШЕ:
– Барыһын да күреп торам,
Бөгөнгөңә әсенәм.
Ә һуң һинең киләсәгең
Өмөтлөмө, ЕР-ӘСӘМ?!
ЕР-ӘСӘ:
Киләсәккә өмөтөм ҙур:
Рухлы йәштәр үҫеп етеп,
Мине һаҡлаусылар булыр.
Кешеләргә иман ҡайтып,
Бөтә донъя нурға тулыр, -
Йөҙҙәремдә шатлыҡ балҡып,
Аллы-гөллө йәйғор ҡалҡыр -
Матурлығым ҡабат ҡайтыр,
КЕШЕ:
– Теләктәрең, үтенесең
Барҙыр һинең, Ер-Әсәм!
Бөгөнгө балаларға –
Үҙеңдең киләсәккә?!
ЕР-ӘСӘ:
– Минең яҙмыш һеҙҙең ҡулда,
Һеҙҙең яҙмыш – минең ҡулда.
Кешеләрем – балаларым,
Һеҙ ҙә миңә иғтибарлы,
Мәрхәмәтле булһағыҙ,
Миһырбанлы булһағыҙ,
Мине һаҡлап тотһағыҙ,
Мин дә һеҙҙе ҡурсалармын,
Туйҙырырмын, йылытырмын,
Яратырмын,һаҡлармын!
Оҙаҡ-оҙаҡ йәшәрмен!!!
Динара НАСЫРОВА,
Ғафури районы Юлыҡ мәктәбе уҡыусыһы
Читайте нас:
© 2008-2025 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Телефон
8 (347) 246-31-05
Электрон почта
Адресы
450079, Республика Башкортостан, г. Уфа, ул. 50-летия Октября, 13, 7 этаж
Редакция
8 (347) 246-31-05
Ҡабул итеү бүлмәһе
8 (347) 246-31-05