Тыуған телем - моңло көйөм

Тыуған телем - моңло көйөм

Инша

Әсәйҙәрҙең бишек йырҙары, атай-олатайҙарҙың ҡобайырҙары, өләсәйҙәребеҙҙең һөй­ләгән әкиәт­тәре, халғым­дың таҡмаҡтары, әйтем­дәре, мәҡәл­дәре, һанаш­маҡтары, йомаҡтары туған телебеҙҙә - башҡор­т телен­дә сикһеҙ матур яңғырай, моңло бер йыр кеүек күңел­дәргә үтеп инә. Шун­дай яғымлы, йомшаҡ тел­де нисек яратмаҡ кәрәк? Бүтән тел­дәрҙе өй­рәнергә кәрәк, әлбит­тә, әммә һин башҡор­т икәнһең - башҡор­т телен­дә, үҙ телеңдә һөй­ләш.

Башҡор­т телен­дә йән­гә ятыш аҫыл һүҙҙәребеҙ бар. Матур итеп ошо аҫыл һүҙҙәр менән һөй­ләшәйек, аралашайыҡ, ир­тәнсәк бер-беребеҙҙе башҡор­т телен­дә генә сәләмләйек.

Тыуған телебеҙ, башҡор­т теле - иң боронғо заман­дарҙан кил­гән, бай, наҙлы тел, ип­ле, йомшаҡ тел, көс­лө, яғымлы тел.

Ҡурай, тел кеүек, халҡыбыҙҙың мил­ли хазинаһы. Ете тажлы был уйын ҡоралын борон­дан бел­гән­дәр. Ҡурай менән беҙҙең ата-бабаларыбыҙ бигерәк оҫта уй­наған­дар. Уға ҡушылып йыр­лаған­дар, ҡобайырҙар, мөнәжәт­тәр әйт­кән­дәр, бейегән­дәр.

     "Тел асҡысы бирһен Хоҙай", - тип әйтергә ярата өләсәйем, беҙҙе мәктәп­кә йәки берәй ярышҡа оҙатһа. "Башҡор­тса һөй­ләшегеҙ телегеҙҙең ҡотон, бәҫен юғал­тмағыҙ", - тип әйтә ул беҙгә. Үҙе беҙгә әкиәт­тәр һөй­ләй, шиғырҙар уҡы­й. Мин дә башҡор­т телен - үҙ телем­де бик яратам.

Нәркәс АЙЫТБАЕВА,

Бөрйән районының Ҡолғана мәктәбе уҡыусыһы.