Хөрмәтле уҡытыусым!

Мин Рәхимов Таһир, Ауырғазы районы Рәшит Назаров исемендәге Талбазы башҡор гимназияһының 3 -сө синыфында белем алам.Минең яратҡан уҡытыусымдың исеме Йәлилова Розалия Әхмәт ҡыҙы. Ул бик аҡыллы һәм изге күңелле, аңлаусан, ғәҙел, һәр уҡыусыға кәрәкле белемде еткерергә тырышып, предметтарҙы һәр ваҡыт сабырлыҡ менән аңлата. Әгәр кемдер нимәлер эшләй алмаһа, Розалия Әхмәт ҡыҙы уға аңларға ярҙам итә. Берәй нәмәгә кәңәш кәрәк булғанда, һәр ваҡыт уға мөрәжәғәт итергә мөмкин. Беҙҙе белем тауҙарына әйҙәүсе,изге күңелле,киң йөрәкле остаз ул...
Яратҡан уҡытыусымды яҡынлашып килгән һөнәри байрамы менән ҡайнар ҡотлайым!Оҙон ғүмер, ғаилә именлеге, эшегеҙҙә ҙур уңыштар теләйем!
Ауырғазы районы Рәшит Назаров исемендәге Талбазы башҡорт гимназияһының 3-се синыф уҡыусыһы Рәхимов Таһир, йәш хәбәрсе.