Көләмәстәр уҡып алайыҡ әле

Улы әсәһенә:- Әсәй, ниңә һин тиҙ үҫтең инде? Бына әле бергә уйнар инек.

Әсә кеше бәләкәй улы менән вокзалда электричка көтөп тора икән. Эргәләрендә ҙур кәүҙәле поп ултыра, буйы - ике метрҙай, арҡырыға - метр ярым барҙыр. Малай уны беренсегә күргәс, иҫе китеп ҡарап тора, ти. Хатта уның тирәләй бер-икене әйләнеп тә сыҡҡан, йәнәһе, ҡап-ҡара кейемле был ниндәй мөғжизә ул?! Поп малайға тыныс ҡына ҡарап тора биргән. Аҙаҡ малай әсәһһенә килгән дә:

- Әсәй, ә ниңә Ҡыш бабайҙың кейеме ҡап-ҡара ул? Әллә Ҡарһылыуы үлдеме икән? - тигән.

Әсә менән поп электричка килгәнсе һындары ҡатып көлгән. Аҙаҡ поп малайға шоколад биреп, оҙатып ҡалған.

Өс йәшлек ҡыҙ тәүге тапҡыр балалар баҡсаһына килә. Ул, нисек тә иламаҫҡа тырышып:

- Әсәй, анауы ҡыҙ иламаһын әле, юғиһә минең дә илағым килә, - тигән.

3 йәшлек малай гел атаһының машинаһына ултырып йөрөгән. Бер заман уны олатаһы үҙенең машинаһына ултыртҡан. Китеп баралар, ти былар. Малай олатаһына:

- Олатай, атайымдың машинаһында йөрөгәндә ағастар шәәәәп итеп йүгерә, ни эшләп һинекендә яй ғына баралар ул?, - тип һорап ҡуйған, ти.

- И-их, алйот ҡына этем бар. Мин уға гәзит алып килергә ҡушһам, ул миңә аш бешерә башлай...

Ялҡау юлда барғанда йығылған. Тороп бер аҙ киткәс, абынып, тағы барып төшкән. Шунан һуң:

- Икенсе тапҡырға йығыласағымды белгән булһам, бая йығылғас та, тормаған булыр инем,- тигән була, ти.

Читайте нас:

© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Телефон

8 (347) 246-31-05

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, 7 этаж

Редакция

8 (347) 246-31-05

Ҡабул итеү бүлмәһе

8 (347) 246-31-05