* * *
Әхмәт табиптан:
– Ағай, аяғымдағы гипсты ҡасан алаһығыҙ? – тип һорай.
– Ә нимә булды?
– Гипслы көйө баҫҡыстан йөрөмәҫкә ҡуштығыҙ бит үҙегеҙ!
– Шул саҡлы баҫҡыстан йөрөгөң киләме ни?
– Эйе шул, ағай, юғиһә анау һыу аға торған торбанан үрмәләп ялҡтым!..
* * *
– Этең нисек йәшәп ята әле?
– Яҡшы. Ул мине шул тиклем аңлап тора: мәктәптән ҡайтып инеү менән портфелемә инеп китә, көндәлегемде тиҙ генә һөйрәп сығара ла диван аҫтына йәшереп тә ҡуя!
* * *
Джунгли. Урғылып аҡҡан йылға аша һалынған нәҙек кенә баҫмала ике фил осраша.
– Алйоттарға мин бер ваҡытта ла юл бирмәйем! – тип һөрәнләй беренсе фил.
– Ә мин уларға һәр ваҡыт юл бирәм, – ти ҙә икенсеһе, ҡырға атлай...
* * *
Ҡыҙы ашнаҡсылар курсында уҡый. Әсәһе:
– Бешергән ашығыҙҙы үҙегеҙгә ашарға рөхсәт итәләрме һуң, ҡыҙым?
Ҡыҙы (күҙ йәштәре аша):
– Беҙҙе мәжбүр итәләр…
* * *
Телефон шылтырай:
– Алло! Был Ҡыш бабаймы?
– Юҡ! Һеҙ номерҙы яңылыш йыйғанһығыҙ!
Бер минут үткәс, тағы ла телефон шылтырай.
– Алло! Был Ҡыш бабаймы?
– Етер шаярырға, малай!..
Тағы ла бер минут үткәс:
– Алло! Ҡыш бабай! Был һинме ул?
– Эйе! Мин, мин! Ҡыш бабай!
– Ҡарһылыуҙы телефонға саҡырырға мөмкинме?