* * *
Сәлим менән Ғәлим бәхәсләшә:
– Минең каратэнан ҡара билбау!..
– Ә минең һыу ингәндә кейә торған трусигымдың резинкаһы һары төҫтә!..
* * *
Балалар баҡсаһында етди һөйләшеү бара. Таһир (4 йәш) Зәлиәгә (4, 3 ай):
– Ҙурайғас миңә кейәүгә сығаһыңмы?
– Юҡ!
– Ниңә? – Таһир иларҙай була.
Беләһеңме, беҙҙең ғаиләлә бөтөнөһө лә “үҙҙәренекенә” генә өйләнә. Мәҫәлән, минең олатайым минең өләсәйемә өйләнгән, минең атайым – минең әсәйемә, хатта минең бабайҙарым да үҙемдең генә инәйҙәремә өйләнгән...
* * *
– Ҡыҙым, йәле, ҡунаҡтарға ай исемдәрен һанап күрһәтәйек!? Йә!.. Ғи...?
– Нуар!
– Фев...?
– Раль.
– Хәҙер үҙең генә һанап инде!
– Арт, рель, ай, юнь, юль, густ, ябрь, ябрь, абрь!
* * *
Малай урам уртаһына тороп, подъезд яңғыратып ҡысҡыра:
– Әсәй! Әсәәәәй! Әсәй, әсәй, тим!
Ҡото алынған әсә, балконға йүгереп сыға:
– Нимә булды, улым?!
– Атайымды саҡыр әле!
* * *
Биш йәшлек улы менән әсә невропатологҡа килә.
– Табип:
– Малай, әйт әле, бесәйҙең нисә тәпәйе бар?
– Дүрт.
– Ә нисә ҡолағы бар?
– Ике.
– Күҙҙәре нисәү?
– Ике.
– Ә бесәйҙең ҡойроғо буламы?
– Әсәй, был ахмаҡ табип бесәйҙе лә күргәне юҡ инде әллә?
* * *
Ҡомда кескәй генә ҡыҙ уйнап ултыра, шапылдатып үҙе нимәлер сәйнәй.
Оло ғына ҡатын уның янына килә лә:
– Ҡыҙым, шул тиклем тәмле итеп нимә сәйнәйһең ул? – тип һорай.
– Әлләсе, ауыҙыма үҙе ошоп (осоп) килеп инде лә...
* * *
Ағаһы бәләкәй ҡустыһынан:
– Һин берәй нәмәнән ҡурҡаһыңмы? – тип һораған.
– Теш табиптарынан һәм ҡараңғылыҡтан ҡурҡам.
– Ә ни өсөн ҡараңғылыҡтан?
– Ә һин беләһеңме, ҡараңғылыҡта теш киҫкес тотоп күпме теш табибы ултыра!?..