Директор, мәктәп баҫҡысының тотонғостары сәнскеле тимер менән уратылғанын күреп, хайран ҡала. Шаңҡыған хужаны күреп, ҡарауылсы бабай , ғәйепле төҫ менән:
– Балалар тотонғостан шыуып төшөргә әүәҫләнеп китте. Шул тиклем шәп тиҙлектә төшөп китәләр, имгәнеп, йә үлеп ҡуйырҙар, тип ҡурҡам.
– Сәнскеле тимерҙәрҙе шәп уйлап тапҡанһығыҙ, хәҙер шыуыуҙан туҡтарҙар.
– Юҡ та! Туҡтауын туҡтамаҫтар, әҙерәк тиҙлектәрен кәметер, исмаһам!
Уҡытыусы Әлтәфте әрләй:
– Һин нимәшләп кисә уҡырға килмәнең?!
– Әсәйем салбарҙарымды йыуғайны.
– Шунан?
– Мин өйөгөҙ эргәһенән үтеп бара инем. Ҡараһам, салбарығыҙ эленеп тора. Һеҙ ҙә мәктәпкә килмәҫһегеҙ, тип уйланым.
Ауыл мәктәбендә инглиз теле дәресе бара.
Уҡытыусы:
– Фәттәхов, әйтеп ебәр әле, инглиз телендә ишек нисек була?
Фәттәхов:
– Dwear.
Уҡытыусы:
– What eto da!
***
География дәресе. Уҡытыусы:
– Динар, Панама каналы тураһында нимәләр ишеттең?
– Бер нәмә лә. Беҙҙең телевизор ундай каналды тотмай.
***
– Атай, һине мәктәпкә саҡырталар.
– Ни өсөн?
– Яҙған иншаң уҡытыусыға оҡшаманы.
***
Дилә тәүге тапҡыр мәктәпкә уҡырға килә. Беренсе звонок бирә. Өйөнә ҡайтҡас:
– Ә дүшәмде көн тағы ла мәктәпкә барырға кәрәкме?
***
Абитуриентҡа имтихан ваҡытында һорау бирәләр:
– Һеҙ Аҡмулла менән танышмы?
– Юҡ.
– Ә Ерәнсә сәсән менән?
– Юҡ.
– Ә Салауат Юлаев, Зәки Вәлиди, Шәйехзада Бабич, Ниғмәти, Рәми Ғарипов, Мостайҙар менән?
– Юҡ.
– Сығырға мөмкин.
Сыҡҡас, ишек янында өймәлшеп торған башҡа абитуриенттар быны һырып ала:
– Ҡабул иттеләрме?
– Юҡ, бында блатың, брат-ысватың буйынса ғына ҡабул итәләр икән, - тигән була, ти.