Булат мәктәптән кәйефе төшөп ҡайтып инә.

1 сентябрь. 1–се синыфта тәүге дәрес бара.

• Балалар, бына хәҙер һеҙ уҡыусы булдығыҙ. Дәрестә шым ғына ултырырға кәрәк. Әгәр ҙә берәй һорауығыҙ булһа – ҡул күтәрегеҙ.

Айнур шул саҡ ҡулын күтәрә.

• Берәй һорауың бар инеме, Айнур?
• Юҡ та, былай ғына һеҙ әйткәнде тикшереп ҡарарға булдым.

Булат мәктәптән кәйефе төшөп ҡайтып инә.

• Нимә, тағы “икеле” алдыңмы? – ти әсәһе.
• Алдым шул. Эх, ҡасан ғына пенсияға сығам инде, – ти улы, ауыр һулап.

Бер уҡыусы атаһы менән донъяның сәйәси картаһын ҡарап ултыра.

• Бына был – беҙҙең ил, – ти атай.
• О–һо, ҡайһылай ҙур ул! – ти улы.

Европаны ентекләп ҡарап сыҡҡас, малай атаһына:

• Атай, был ниндәй бәләкәй генә ил ул?– тип һорай.
• Был – Германия.
• Атай, ә Гитлер беҙгә һуғыш асыр алдынан был картаны күрмәнеме икән ни?! – ти икән малай ғәжәпләнеп.

Уҡыусылар тарих музейына экскурсияға барған. Боронғо Египт фирғәүененең мумияһы алдында ике малай гәп һата:

– Ҡара әле, бөтөн тәнен бинт менән урағандар.

– Шулай шул. Боронғо Египет хулигандары ныҡ туҡмағандарҙыр инде быны.

Тик уҡыусы менән талип ҡына “Сәғәт нисә?” тигән һорауға “Тағы 15 минут ҡалды” тип яуап бирә.