Көләмәстәр

Автобуста кондуктор тәмле итеп өрөк ашап әбей менән һөйләшеп китеп бара ти.

Кондуктор әбейгә:

• Нишләп әбей миңә көндә өрөк алып киләһегеҙ, ни өсөн үҙегеҙ ашамайһығыҙ?
• Эй, ашар инем дә ул балам, тешем юҡ шул шуға күрә өрөктөң тышындағы кәнфитен генә һурам ...

Уҡытыусы балаға һорау бирә:

• Айрат, ниндәй предмет – һинең иң яратҡаны?
• Айфон...

Уҡытыусы насар уҡыған уҡыусыны шелтәләй:

• Ҡара һин уны! Әгәр ҙә көн дә мәктәпктән “икеле”ләр ташый башлаһаң, атайыңдың сәсе ағарыр!
• Борсолмағыҙ, атайым күптән пеләш инде.

Синыф етәксеһе Инсафҡа шылтырата:

• Һин ни эшләп бөгөн дәрескә килмәнең?
• Мин ауырыйым, температурам 42 градусҡа тиклем менгән!
• Алдама, кешелә ундай тән температураһы булмай.
• Ни эшләп булмаһын ти? Иртән әсәйем үлсәп ҡарағайны, 36 ла 6 тине. 

Рәмил мәктәптән ҡайтып ингән дә, ата-әсәһенә өндәшә:

- Белмәйем, синыф етәксем нимәгеҙҙе шул хәтлем оҡшатҡандыр ул... Иртәгә лә һеҙҙе күргеһе килә!