Көләмәстәр

Ҡыҙ егетенә үпкәләй: – Һаранһың һин, сыҡмайым кейәүгә. Мә, балдағыңды кире ал! – Мин һаран??? Ә ҡумтаһы ҡайҙа?

***

Айнур алтын балыҡ эләктергән.

— Йә, әйтә һал, өс теләгеңде үтәйем, — тигән балыҡ.

Балыҡсы:

— Имтиханһыҙ ғына юғары уҡыу йортона инергә, ҡалала фатир һәм машина булдыр, — тигән.

— Кредитҡамы, әллә бүлеп түләү шарты менәнме? — тип асыҡларға теләгән балыҡ:

Айнур оҙаҡ уйлап тормаған:

— Йә, һайла: бешерәйемме, әллә көнбағыш майына һалып ҡыҙҙырайыммы? — тигән.

***

Рөстәм балыҡ ҡармаҡлай икән. Эргәһенә Илгиз килеп һорай:

— Бөгөн һыу нисек, яҡшымы?

— Бик һәйбәт!  Балыҡтың хатта сыҡҡыһы ла килмәй!