Нәркәс, нишләп өйгә эшеңде яҙып алманың?

Уҡытыусы:

–Булат, әгәр ҙә һин артабан да шулай насар уҡыһаң, атайыңдың сәстәре ағарып бөтәсәк бит!

– Атайым ҡыуанасаҡ ҡына, юғиһә уның таҡыр башында бер бөртөк кенә лә сәсе юҡ!

***

–Нәркәс, нишләп өйгә эшеңде яҙып алманың?

–Һеҙ бит үҙегеҙ әйттегеҙ, “Байрамдарҙа өйгә эш бирелмәй,” тип. Минең иртәгә тыуған көнөм...

***

Тарих дәресендә.

–Фәрит, әйт әле, Бастилионы кем алған?

–Мин алманым.

–Иртәгә атайыңды директорға саҡыр!

Атаһы директорға килә. Директор эштең нимәлә икәнлеген аңлатып бирә.

Атаһы:

–Белмәйем инде, минең улым Бастилионы алдымы икән, юҡтырмы. Өйгә ул уны килтермәне...

“Бына шулай инде, алалар ҙа кире килтермәйҙәр, ” – тип, үҙенсә генә уйлай мәктәп директоры.

***

–Балалар! Иҫегеҙҙә тотоғоҙ, кемдәр “4” һәм “5” билдәләренә генә уҡый, улар ожмахҡа эләгә. Ә “2” һәм “3”-кә уҡыусылар – тамуҡҡа!

–Гөлбаныу Зәки ҡыҙы, ә мәктәпте тере килеш тамамлап булмаймы һуң?

  ***

Башланғыс синыфтарҙа малайҙар ҡыҙҙарҙың башын портфель менән һуғалар ҙа, аҙаҡтан аптырап йөрөйҙәр: нишләп матур ҡыҙҙар барыһы ла алйот була икән, тип.