Тарих дәресендәге Б.Э.Т. (беҙҙең эраға тиклем) тигән аббревиатура хәҙер был эпидемияға тиклем тип аңлатыла.
* * *
Каникулдың аҙаҡҡы көнөндәге иң популяр һорау: “Ә каникул ваҡытына ниндәй өйгә эш биргәйнеләр әле?”
* * *
Яңы йыл алдынан егетмен тигән егет өйгә шыршы ултыртырға, ҡапҡа алдында ҡарҙан ҡәлғә эшләргә һәм ҡыш бабай әүәләп ултыртырға тейеш.
* * *
– Ҡышын себендәр ҡайҙа була икән?
– Белмәйем, әммә йәй көнө лә шулай юҡ булһындар ине ул.
* * *
Чукча шаманға килгән дә һорай икән:
– Быйыл ҡыш ниндәй булыр икән?
Шаман, нисек яуап ҡайтарырға ла белмәй, уйға ҡала: йылы була тиһәң, чукча утын әҙерләмәйәсәк, шул сәбәпле, туңып үлеүе бар.
– Һыуыҡ була быйылғы ҡыш, – ти шаман, ултыра биргәс.
Чукча шунда уҡ урманға утынға йүгерә. Ә шаман, үҙенең яуабына икеләнеп, Хоҙайҙан һорарға була:
– Ҡыш һыуыҡ буламы, әллә йылымы?
Күктән уға яуап килә:
– Һыуыҡ була, әлбиттә! Ана, ҡара, чукча утынға елдереп китеп бара!