+26 °С
Болотло
Бөтә яңылыҡтар
Көләмәстәр
4 Ноябрь 2023, 10:53

Атаһы беренсе синыфҡа барған улын уята:

– Улым, тор, дәрескә һуңлайһың… – Ниңә? Мин бит мәктәпкә кисә генә барҙым!

Атаһы беренсе синыфҡа барған улын уята:
Атаһы беренсе синыфҡа барған улын уята:

Беренсе синыф уҡыусыһы өйгә бик күңелһеҙ ҡайтып инә. Әсәһе:

– Нимә булды, тағы ла икеле алдыңмы? – тип һорай.

– Эйе, – ти улы, ауыр һулап, – миңә тиҙерәк пенсияға сыға һалырға кәрәк.

 

–Атай, ә ни өсөн беренсе сентябрҙә уҡытыусыларға бөтәһе лә сәскәләр бүләк итә?

– Бөгөн уларҙың байрамы икән тип уйлаһындар өсөн…

 

Атаһы беренсе синыфҡа барған улын уята:

– Улым, тор, дәрескә һуңлайһың…

– Ниңә? Мин бит мәктәпкә кисә генә барҙым!

 

– Атай, һеҙ уҡығанда бөтә “биш”ле һәм “дүртле”ләрҙе алып бөткәнһегеҙ, ә беҙгә “икеле”ләр, “өслө”ләр генә ҡалған… – Тип иламһыраған беренсе синыф уҡыусыһы Зәлиә.

 

Вәли мәктәптән ҡайтып инеү менән ата-әсәһенең беренсе һорауы:

– Ниндәй билдә алдың?

– “Дүртле”! – Тип яуап бирә Вәли.

– Ә ниңә “бишле” түгел?

– Беҙҙең бөгөн дүрт кенә дәрес булды бит.

 

Әсәһе улын мәктәптән ҡаршы ала:

– Һинең көндәлегеңде күрмәйемсе, улым...

– Көндәлегемде Ғәле алып торҙо, ата-әсәһенең ҡотон осорорға…

 

– Инглиз телендә һөйләшә беләһегеҙме?

– Һүҙлек менән генә. Кешеләр менән һөйләшергә әлегә оялам…

 

Ике студент аудиторияға инглиз теленән имтихан бирергә инә. Уҡытыусы:

– Sit down!

Беренсе студент икенсеһенә:

– Нимә ти ул?

– Ултыр, алйот, тине!

 

Уҡытыусы: – “Балалар, Максим Горький, пьесаһын "На дне" тип атап, нимә әйтергә теләне икән?” Уҡыусы: “Бәлки, "На дне рождения" тип?”

Автор:Рәзил БИКБУЛАТОВ 
Читайте нас: