Улым, көн дә дискотекаға йөрөмә! Әтеү һаңғырау булып ҡалаһың бит!

 Урманда магазин асылған, ти. Уға һыу буйы оҙон сират теҙелгән. Бына, ҡуян, сиратты йырып, алға ынтыла. Әммә айыу, ҡуяндың оҙон ҡолаҡтарынан эләктереп ала ла, артҡа ырғыта:
     – Сиратҡа баҫ! – ти ул ҡәтғи тауыш менән.
    Был хәл көн дә ҡабатлана икән. Аптыраған ҡуян, ҡолаҡтары һыҙлауына түҙә алмай, айыуға ысын күңелдән рәнйеп китә:
– Был ниндәй хәл, тайыш табан айыу ағай! Өсөнсө көн, өсөнсө көн (!) һинең арҡаңда магазинымды аса алмайым!

Уҡытыусы: 
- Нәркәс, ниңә һин «мамыҡ» һүҙенең аҙағына йомшаҡлыҡ билдәһе ҡуйҙың?
Нәркәс: 
- Мамыҡ бит йомшаҡ була, шуға ҡуйғанмындыр инде, апай…

Атаһы биш йәшлек улынан:
– Балалар баҡсаһында ла шулай һуғышаһыңмы? – тип һорай.
– Эйе.
– Ә кем еңә?
– Тәрбиәсе.

Абитуриентҡа имтихан ваҡытында һорау бирәләр:
– Һеҙ Аҡмулла менән танышмы?
– Юҡ.
– Ә Ерәнсә сәсән менән? 
– Юҡ.
– Ә Салауат Юлаев, Зәки Вәлиди, Шәйехзада Бабич, Рәшит Ниғмәти, Рәми Ғарипов, Мостайҙар менән?
– Юҡ.
– Сығырға мөмкин.
Сыҡҡас, ишек янында өймәкләшеп торған бер көтөү абитуриенттар быны һырып ала:
– Ҡабул иттеләрме?
– Юҡ, бында блатың, брат-ысватың буйынса ғына ҡабул итәләр икән, – тигән була, ти.

Дауахана. Психиатр табиптан:
– Үҙегеҙҙе бесәй тип хис итеүегеҙ ҡасандан башланды?..
– Ҡасан тип ни... Мин ул ваҡытта әле бесәй балаһы ғына инем...

Әсәһе улына:

– Улым, көн дә дискотекаға йөрөмә! Әтеү һаңғырау булып ҡалаһың бит!

– Рәхмәт, әсәй, мин туҡмын. Ун минут элек кенә ашаным...

Аҡыл яғынан зәғифтәр йортонда математика дәресе бара, ти. 
Уҡытыусы: 
– Шәкирә, икене икегә ҡабатлаһаң нисә була? 
– Биш мең! 
– Дөрөҫ түгел. Мәхмүт, йә, һин ниндәй яуап бирерһең? 
– Шишәмбе була! 
– Был яуап та дөрөҫ түгел, йә, бәлки Рәйфә әйтер... – тип Рәйфәгә борола. 
– Дүүүрт... 
–Дөрөҫ! Быны нисек иҫәпләп сығарҙың? Дуҫтарыңа аңлатып үт әле? – тигәс, Рәйфә: 
– Һуң, апай, был элементар нәмә бит инде: биш меңдән шишәмбене алып ташлаһаң дүрт ҡала!.. – тигән булған, эре генә.

Рельс өҫтөндә помидор ултыра. Янында, ҡояшҡа ҡыҙынып, ергә һуҙылып төшөп, ҡыяр ята икән.

     Ҡыяр:

–Помидор, ҡайҙа юл тоттоң?

Помидор:

– Мәскәүгә, - тип әйтеп тә бөтөрмәгән, “пыст” иттереп, помидорҙы һытып, өҫтөнән поезд үтеп тә киткән, ти.

фото: Халиҡова Дилара, Туймазы ҡалаһы