Көләмәстәр

Кәбир атаһы менән мәктәп янынан үтеп бара:

- Улым, һин ошо мәктәптә уҡыйһыңмы?

- Эйе, атай!

- Бынан егерме йыл элек мин дә бында уҡыным!

- Директорҙың "Бындай диуананы был мәктәптә егерме йыл күргәнем юҡ ине!" тигәндә кемде күҙ уңында тотҡанын аңланым инде хәҙер, атай...

***

Булат мәктәптән кәйефе төшөп ҡайтып инә.

• Нимә, тағы “икеле” алдыңмы? – ти әсәһе.
• Алдым шул. Эх, ҡасан ғына пенсияға сығам инде, – ти улы, ауыр һулап.

***

Бер уҡыусы атаһы менән донъяның сәйәси картаһын ҡарап ултыра.

• Бына был – беҙҙең ил, – ти атай.
• О–һо, ҡайһылай ҙур ул! – ти улы.

Европаны ентекләп ҡарап сыҡҡас, малай атаһына:

• Атай, был ниндәй бәләкәй генә ил ул?– тип һорай.
• Был – Германия.
• Атай, ә Гитлер беҙгә һуғыш асыр алдынан был картаны күрмәнеме икән ни?! – ти икән малай ғәжәпләнеп.

***

Уҡыусылар тарих музейына экскурсияға барған. Боронғо Египт фирғәүененең мумияһы алдында ике малай гәп һата:

– Ҡара әле, бөтөн тәнен бинт менән урағандар.

– Шулай шул. Боронғо Египет хулигандары ныҡ туҡмағандарҙыр инде быны.

***

Тик уҡыусы менән талип ҡына “Сәғәт нисә?” тигән һорауға “Тағы 15 минут ҡалды” тип яуап бирә.