+4 °С
Ясна
Бөтә яңылыҡтар
Хат-хәбәр
18 Май 2021, 13:21

«Ватаным, һин терәге донъяның»

Башҡорт әҙәбиәте майҙанында үҙ йөҙөн тотҡан,үҙ урынын биләгән яҡташыбыҙ, яҙыусы, шағир, тәржемәсе Мөхөтдин Тажиҙың тыуыуына 115 йыл тулыуы айҡанлы уҙғарылған әҙәби кисә ойошондай шиғри юлдар менән башланды.

Әҙәби кисәгә Шығай мәктәп башҡорт теле уҡытыусыһы Йылкыбаева Гөлсөм һәм 6-8 – се класс уҡыусылары саҡырылды. Китапханасы О. Ғәлиуллина яҙыусының тормош юлы, ижади багажы тураһында ентекле бәйән ҡылды.
«Күңел» драма түңәрәгендә шоғөлләнеүсе сәхнә ветерандары Динә Канафина, Венера Эниева, Зилә Хажина яҙыусының «Сәғиҙәнең яҙмышы» исемле повесынан өҙөк сәхнәләштерҙе. Уҡыусылар һәм китап һөйөүселәр шағирҙың шиғырҙарын яттан һөйләне. Башҡортостан, Рәсәй яҙыусылар союзы ағзаһы Шәрәфетдинова Сәғирә Сабирйән ҡыҙы Мөхөтдин Тажиның хикәйәләре, юлъяҙмалары менән таныштырҙы. Яҙыусының милли әҙәбиәтебеҙгә тоғролоғон билдәләне. Ижадсының бай, һутлы теленә, үҙенсәлекле сюжетҡа ҡоролған проза әҫәрҙәренә һоҡланыуын белдерҙе. Уның әҫәрҙәрен уҡығанда, үҙеңде лә шул ерҙә, тап әҫәрҙәге геройҙар менән бергә йөрөгәндәй, һөйләшкәндәй шул- йәки был ваҡиғалар эсендә бергә ҡайнағандай тояһың! – тине.
Эйе Олуғ яҙыусыбыҙ тыуған яҡ менән тығыҙ бәйләнештә булды, баласағында ауыр тәҡдир менән ауылынан айырылһа ла, тыуған ауылын, уның кешеләрен һағынып йәшәне һәм ижад итте.
Читайте нас: