Еребеҙҙе һаҡлайыҡ!

Әбйәлил районы Ташбулат ауылы мәктәбендә 5-се синыф уҡыусылары 12 май - Экологик белем көнө уңайынан "Еребеҙҙе һаҡлағыҙ!" тигән дәрес үткәрҙе.
"Ер - беҙҙең өйөбөҙ" исемле видеоны ҡарағандан һуң, дәрестә экологик мәсәләләрҙе сисергә тырыштыҡ, еребеҙ ярҙамға мохтаж темаһына шиғырҙар тыңланыҡ. Бай йөкмәткеле, экологик тәрбиә биргән, уйландырған Эндрю Стэнтондың "Валл-и" фантастик йәнһүрәтен барыһы ла яратып ҡарағанға, бер һөҙөмтәгә килдек. "Беҙ үҙ йәшәгән еребеҙҙе таҙа тоторға, бысратмаҫҡа тейешбеҙ!" тип өндәп ижад итеп алдыҡ. Сағыу плакат һәм суп-сар яраҡтарынан робот төҙөнөҡ. Таҙалыҡ һәр кемдең йортонда башлана, шуға ла һәр бала күңеленә алып барып еткерһәк, еребеҙ ышаныслы быуынға ҡалыр тигән өмөттә ҡалабыҙ. Еребеҙҙе һаҡлайыҡ!

Нәркәс Нурғәлина