Каникулдар, ғәҙәттәгесә, Солтанморат ауылында олатай-өләсәйҙәрҙә үтә

Каникулдар, ғәҙәттәгесә, Солтанморат ауылында олатай-өләсәйҙәрҙә үтә. Унда яҡшы. Олатайым менән өләсәйемә ярҙам итәм, уҡыуымды ла онотмайым. Дуҫтарым менән уйнайым, ауыл клубында һәм Ғ.Ибраһимов исемендәге музейҙа үткәрелгән сараларҙа ҡатнашам. Күптән түгел Башҡортостандың атҡаҙанған мәҙәниәт хеҙмәткәре, яҡташыбыҙ рэәсам-Хәләф Рәжәповтың тыуыуына 90 йыл тулыуға Ғәлимйән Ибраһимов музейында экскурсовод Шафиева Гөлсинә Ғарифулла ҡыҙы "Тыуған яҡтың рәссамдары" исемле күргәҙмә ойошторҙо. Һәм минең Бөйөк Ватан һуғышында ҡатнашҡан олатайҙарым тураһында материалдар йыйыуымды белеп әңгәмә үткәрҙе, бик күп ҡыҙыҡлы нәмәләр һөйләне, иске фотоһүрәттәрҙе, миҙалдарҙы ҡаранык.
Бына шулай каникулдарым мауыҡтырғыс, ҡыҙыҡлы һәм танып белеү өсөн үтә.

Ауырғазы районы Рәшит Назаров исемендәге Талбазы башҡорт гимназияһының 2-се синыф уҡыусыһы Рәхимов Таһир