Әсәйҙәр көнөнә арналған байрам концерты үтте

Мәсетле районы Дыуан-Мәсетле урта мәктәбендә, башланғыс класс уҡытыусылары ойошторған әсәйҙәр көнөнә арналған, байрам концерты үтте. Сараға әсәйҙәр саҡырылғайны.
Әсә Көнө-иң яҡын һәм ҡәҙерле кешеңдең байрамы. Беҙгә ғүмер бүләк иткән кеше, һәр ваҡыт беҙҙең һаҡлаусы, фәрештәләребеҙ булып ҡала.
Был көндө мәктәптең тамаша залы 1-4 класс уҡыусыларынын әсәйҙәре менән тулы булды . Бер-бер артлы мәктәп сәхнәһенә йәш таланттар сыға, кемдер сәхнәлә тәүге аҙымдарын яһай, кемдер тағы ла бер тапҡыр- мәктәптә йондоҙҙар барлығын иҫбатлай. Балалар ижади номерҙары, күңелле йырҙары, матур шиғырҙары менән ҡыуандырҙы.
Байрам концерты тамамланғас, әсәйҙәрҙе сәй өҫтәленә саҡырҙылар.
Ҡәҙерле әсәйҙәр! барығыҙҙы ла ихлас күңелдән ҡотлайбыҙ һәм һеҙгә һаулыҡ, шатлыҡ, оҙон ғүмер, гел шулай изгелекле булып ҡалыуығыҙҙы теләйбеҙ.

Автор: Исмәгилова Нурия, 7 класс уҡыусыһы.