Кадеттар һәр саҡ алда!

8-се “К” кадет синыфы 2021 йылда Хә­үефһеҙлек хеҙмәте йүнәлешендә асылды, ә бер йылдан Шайморатовсылар синыфына уҡыу­сылар килде. Гимназияла кадеттарҙы иң көслө, иң әүҙем уҡыусылар, тип әйтә алам. Ни өсөн тигәндә, башҡа предметттарҙан тыш беҙ спорт, хәрби әҙерлек, шулай уҡ шахмат, шашка, бейеү буйынса ла дәрестәр алабыҙ.
Яңыраҡ Мәскәү ҡалаһында самбо буйынса ярыш­та еңеп ҡайтҡан командала синыфташ­та­рым Ренал Хужәхмәтов, Әмир Ғәлиханов күптәребеҙ өсөн өлгө булып тора.
Ноябрь айында Шайморатовсылар (7-се “К” кадет синыфы), республика бәйгеһендә ҡатнашып, призлы урын яуланы. Рәсәй геройы Миңлеғәли Шайморатов һәм 112-се Башҡорт кавалерия дивизияһына арналған викторинала Данил Нәбиев 1-се урынға лайыҡ булды.
Кадеттар бер ерҙә лә һынатмай. Бик күптәребеҙ Йәштәр һәм балаларҙың “Беренселәр хә­рәкәте” тип аталған ойош­маһында шөғөлләнә. Былтыр Өфөлә үткән “Хәрәкәт лидеры” республика конкурсында Әмир Ғәлиханов “Ватанға хеҙмәт итәм” номинацияһында еңеүсе булды.
Шулай итеп, Башҡорт гимназияһы кадеттары ата-олатайҙарыбыҙҙың тарихи традицияларын дауам итә.

Алан Адыев,
Нефтекама ҡалаһының Башҡорт гимназия-интернаты уҡыусыһы, гимназия президенты.