Каникулымдың бер көнө Ҡыпсаҡта үтте

Ишек төбөндә шат йылмайып, һәр беребеҙгә ҡул биреп, физкультура уҡытыусыһы Боҫҡонов Зиннур Ғүмәр улы ҡаршы алды. Уҡыусы апай-ағайҙар менән телевизорҙан хоккей ҡарай ине улар. Ә беҙ инде туғандарым менән хоккейҙы үҙебеҙ уйнаныҡ, футбол да типтек, теннис та һуҡтыҡ, хатта бильярд төртөп ҡараныҡ. Шахмат менән шәшке уйыны ла ситтә ҡалманы.

Баҡтиһәң, Ҡыпсаҡ мәктәбе ауыл халҡы менән берлектә өҫтәл уйындары буйынса грант отҡан икән. Беҙ шунда рәхәтләнеп уйнаныҡ, ял иттек. Беҙҙән тыш ата-әсәләре менән бәләкәй генә балалар ҙа килгәйне.

Тиҙҙән бүләктәр менән турнирҙар үткәрәбеҙ тиҙәр әле ҡыпсаҡтар.
Бына шулай Ҡыпсаҡ мәктәбе, хатта каникулда ла буш тормай. Уҡытыусыларына, уҡыусыларына, ата-әсәләренә күңелле ял өсөн рәхмәт әйтәбеҙ. Киләсәктә лә яңы үрҙәр теләп ҡалабыҙ. Әсәйемдең тыуған мәктәбенә һәр ваҡыт килеп йөрөрбөҙ.

АЛТЫНБАЕВ Рамаҙан,

Бөрйән районы Байназар мәктәбенең

6-сы “А” синыфы уҡыусыһы.