"Оҫтахана" конкурсына эштәрегеҙҙе ебәрегеҙ!

Конкурсҡа йомғаҡ 2019 йылдың аҙағында яһаласаҡ. Кемдең эше бәйге шарттарына тура килә, күпме "лайк" йыя - шуға ҡарап еңеүсене билдәләйбеҙ.

Бәйгелә ҡатнашыу өсөн һеҙгә ни бары ижади эшегеҙҙе төрлө яҡлап фотоға, йәки видеоға төшөрөп, уны нисек, нимәнән яһағанығыҙҙы аңлатып яҙып, беҙҙең “Бәйләнештә”ге төркөмгә һалырға, йәки электрон почтаға ебәрергә кәрәк. Конкурстың да темаһы ирекле: кем нимәгә оҫта – шуны эшләй.

Конкурс “Аманат”тың “Бәйләнештә”ге асыҡ төркөмөндә (vk.com/amanatrb) алып барыла һәм уға йомғаҡ йыл аҙағында яһала.

“Аманат” журналы мөхәрририәте эштең үҙенсәлегенә, оҫталығына, “лайк”тарҙың күплегенә ҡарап, өс еңеүсене билдәләйәсәк. Еңеүселәр исемлеге һәм уларҙың ижади эштәре журналда 2019 йылдың ғинуар һанында баҫыласаҡ. Улар “Аманат” журналының фирма сәғәте һәм Маҡтау билдәһе менән бүләкләнәсәк.

Ә әлегә һеҙҙең иғтибарығыҙға Әбйәлил районы Рауил мәктәбе уҡыусыһы Айгөл Уйылданованан "Ҡамырға уралған колбаса" рецебын тәҡдим итәбеҙ.

Ҡамыр өсөн:

2 кг он

2 пакет сүпрә

3 стакан һөт йәки һыу

8-19 аш ҡалағы шәкәр

5 йомортҡа

250 гр. аҡ май йәки маргарин)

3 балғалаҡ тоҙ.

Эслеккә мин нәҙек колбаса (сосиска) һалдым. Уны үҙегеҙ теләгән аҙыҡ менән алмаштыра алаһығыҙ.

Эш барышы:

1. Йылы һөткә йәки һыуға 1 аш ҡалағы шәкәр,сүпрә һәм 2 стакан он ҡушырға ла, ҡалҡһын өсөн йылы урынға ултыртып ҡуйырға.

2. Артабан йомортҡаға сама менән тоҙ һәм шәкәр һалып туҡырға, ҡалған онға иретелгән майҙы ҡушып ,ҡамыр баҫырға кәрәк. Әҙер ҡамырҙы таҫтамал менән ябып 1-2 сәғәткә йылы урынға ултыртып ҡуйырға.

3. Ҡамыр ҡалҡҡас, уны өлөштәргә бүлеп йәйергә, эсенә таҙартылған сосискаларҙы урап, семеткеләп сығырға. Өҫтөн йомортҡа һарыһы менән һөртөп, 200 градуслыҡ мейестә 20 минут бешерергә. Ҡамыр артып ҡалһа, һүрәттәге кеүек раузалар эшләп бешерергә лә була. Телегеҙҙе йоторлоҡ була!

Читайте нас:

© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Телефон

8 (347) 246-31-05

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, 7 этаж

Редакция

8 (347) 246-31-05

Ҡабул итеү бүлмәһе

8 (347) 246-31-05