Әсә көнө уңайынан үткәрелгән конкурс еңеүселәре иғтибарына

“Бәйләнештә” сайтындағы төркөмөндә ойошторолған “Тормош йәме – әсәйҙәр” видеоконкурсы еңеүселәренә инселәнгән Маҡтау билдәләренең электрон варианттарын сайттан алырға мөмкин!

29 ҡырпағайҙа (ноябрҙә) билдәләнгән Әсә көнөнә бағышлап, “Аманат” журналы үҙенең уҡыусылары араһында “Бәйләнештә” сайтындағы төркөмөндә “Тормош йәме – әсәйҙәр” тип аталған видеоконкурс иғлан иткәйне. Конкурста ҡатнашыусылар бихисап булып сыҡты – һанаулы ғына көн эсендә 50-нән ашыу видеосюжет килде беҙҙең төркөмгә. Айырыуса, Баймаҡ һәм Бөрйән райондарынан ҡатнашыусылар күп булды.

Иң оригиналь ролик авторҙарын билдәләргә лә ваҡыт етте. Бына улар:

Бөрйән районының Ғәҙелгәрәй мәктәбенең 1-се һәм 2-се синыф уҡыусылары (етәкселәре Әлфиә Ғәндәлип ҡыҙы Сәғитова);

Әбйәлил районының Шәрип ауылынан бер туған Алтынай, Айсулпан, Таңсулпан Хашимовалар;

Ғафури районының Н. Мәжитов исемендәге Красноусол Башҡорт гимназия-интернатының 7-се синыфында уҡыусы Гөлнәзирә Юлмөхәмәтова;

Баймаҡ районының 1-се Этҡол мәктәбенең 4-се синыфы (етәкселәре Гөлфиә Әнүәр ҡыҙы Хисмәтуллина);

Өфө ҡалаһы Киров районының 51-се Башҡорт балалар баҡсаһының “Йәйғор” төркөмө тәрбиәләнеүселәре (етәксеһе Шәүрә Самарбай ҡыҙы Ярмуллина);

Бөрйән районы Исламбай мәктәбенең 7-се синыф уҡыусыһы Алик Ғәлиуллин;

Баймаҡ ҡалаһының 3-сө мәктәбенең 5-се синыф уҡыусылары (етәкселәре Гөлфиә Сынтимер ҡыҙы Юлыева);

Ейәнсура районы Иҫәнғол Башҡорт гимназия-интернатының 6-сы “Б” синыфы уҡыусылары (етәксеһе – Клара Мырҙағәле ҡыҙы Дәүләтбаева).

Еңеүселәргә “Аманат” журналының Маҡтау билдәләре ебәрелә. Әлегә ошо электрон варианттағыларын компьютерҙарығыҙға, телефондарығыҙға күсерә алаһығыҙ:

Читайте нас:

© 2008-2024 «Аманат» Республика балалар-үҫмерҙәр журналының сайты. Сайт Республиканского детско-юношеского журнала «Аманат». Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы. Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Телефон

8 (347) 246-31-05

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, 7 этаж

Редакция

8 (347) 246-31-05

Ҡабул итеү бүлмәһе

8 (347) 246-31-05