-21 °С
Болотло
75 лет Победы
Бөтә яңылыҡтар
Конкурстар
16 Декабрь 2020, 16:10

“Әсәм теле миңә – сәсән теле” конкурсы еңеүселәре

Хөрмәтле дуҫтар! 14 декабрь – Башҡорт теле көнө уңайынан уҙғарылған “Әсәм теле миңә – сәсән теле” конкурсының һөҙөмтәләре билдәле.

Конкурсҡа мәктәп уҡыусыларының да, балалар баҡсалары тәрбиәләнеүселәренең дә, хатта уҡытыусыларҙың да видеолары күп килде – йәмғеһе йөҙгә яҡын эш ҡабул ителде. Баһалама комиссияһы һәр видеоның конкурс шарттарына тап килеүе–килмәүенә иғтибар бүлде (шарттары - https://amanat.rbsmi.ru/news/Bash-ort-tele-k-n-n-arnal-an-konkursta-atnashir-a-sa-irabi-569052/ ) һәм йөҙләгән эш араһынан һәр шартты теүәл үтәгән, иң уңышлы тип табылған 10 видео авторын еңеүсе тип тапты.
Афарин, барығыҙ ҙа тәүге шартты үтәп, башҡорт телендә шиғыр ятлаған мәлегеҙҙе төшөрөп ебәргәнһегеҙ. Әммә ҡайһы бер ҡатнашыусылар видео ҡуйылған постҡа йә үҙҙәренең исем-шәрифен яҙмаған, йә уны сәхифәһенә түгел, ә “Аманат”тың төркөмөнә ебәргән, ә үҙҙәренең сәхифәләре бикле булып сыҡты. Тағы бер мөһим шарт – видео ҡуйылған поста @amanatrb ("Аманат" балалар журналы)н билдәләргә һәм #аманатконкурсы #туғантелконкурсы #аманатжурналы #БашҡортТеле2020 #Баштел2020 тигән 5 тегты күрһәтергә кәрәк булғайны. Кемдәрҙең сәхифәһендә ошо биш тег булманы, йә теүәл түгел, уларҙың эштәре ҡаралманы. Шулай уҡ икенсе ойошмалар ойошторған конкурстар өсөн төшөрөлгән, уларҙың хештегтары менән билдәләнгән постар ҙа “иләктән һөҙөлдө”.
Еңеүселәрҙе билдәләү бик оҙаҡҡа һуҙылды. Ниһайәт, беҙ уларҙы иғлан итергә әҙер! Бына улар:
Нурзидә Аллабирҙина, Бөрйән районы Исламбай мәктәбенең 1-се синыф уҡыусыһы;
Алтынай Хашимова, Әбйәлил районы Шәрип мәктәбенең 3-сө синыф уҡыусыһы;
Мәҙинә Тайбуғина, Баймаҡ районы Ниғәмәт мәктәбе уҡыусыһы;
Дүртөйлө ҡалаһының 12-се һанлы “Алтынсәс” балалар баҡсаһы тәрбиәләнеүселәре (етәкселәре – Эльвира Рифғәт ҡыҙы Хаҡова);
Әминә Билалова, Хәйбулла районы Әбүбәкер мәктәбенең 2-ce синыф уҡыусыһы;
Фидан Хәлисов, Әбйәлил районы Ишбулды мәктәбенең 4-се синыф уҡыусыһы;
Ирхан Ласынов, Әбйәлил районы Асҡар 1-се мәктәбенең 9-сы “А” синыфы уҡыусыһы;
Өфө районы Дорогин мәктәбенең 5-се “А” синыфы уҡыусылары (етәксеһе – Таңсулпан Сафетдинова)
Камилла Мөлөкова, Өфө районы Дорогин мәктәбенең 6-сы "Г" синыфы уҡыусыһы;
Әбйәлил районы Асҡар урта мәктәбенең 4-се “Г” синыфы уҡыусылары (етәксеһе – Дауытова Сәриә Мансур ҡыҙы);
Еңеүселәр “Аманат” журналының Маҡтау билдәләре менән бүләкләнә. Маҡтау билдәләренең электрон варианттары ошо көндәрҙә сайтта донъя күрәсәк, ә оригиналдары почта аша ебәреләсәк.
Читайте нас в