“Ҡоштарға – тағараҡтар!” конкурсы!

Әбйәлил районы, Дауыт ауылы "Аҡ ҡайын" балалар баҡсаһында йыл һайын ҡоштарҙы ҡышҡы һыуыҡтан һаҡлау өсөн “Тағараҡ”тар элергә тырышабыҙ.Ҡоштар өсөн был үҙенсәлеке “ашхана”ларға төрлө ем һалып, балалар баҡсаһы алдындағы ағастарға элдек.Ҡоштар – беҙҙең дуҫтар! Уларһыҙ тәбиғәт йәнһеҙ булыр ине. Ҡанатлы дуҫтарыбыҙ ярҙамға мохтаж булғанда ситтә ҡалырға ярамай.
(Етәкселәре: Хисмәтуллина Айгөл Ишдәүләт ҡыҙы)
----------------------------------------
ТАҒАРАҠ
Тәҙрә ҡаршыһына алмағасҡа
Элеп ҡуйҙыҡ кескәй тағараҡ,
Турғайҙарҙың емде ашағанын
Ултырабыҙ тәҙрәнән ҡарап.
Тағараҡҡа һалдым тартҡан бойҙай,
Һалып ҡуйҙым унда туңмайҙы,
Күпләп килә унда ҡарабаштар,
Эй, яратам ошо турғайҙы!
Фәүзиә Ҡотлогилдина