“Бөтөн мәктәп менән “Аманат”ҡа!”
Ишембай районының Кинйәбулат мәктәбенә “Аманат”лы осрашыу булды.
2022 йылдың йәйендә мәктәптә капиталь ремонт эшләнгән. Балалар хәҙер яҡты, күркәм, йылы бинала рәхәтләнеп белем ала. "Мәғариф" милли проектының “Заманса мәктәп” төбәк проекты буйынса белем усағында “Үҫеш нөктәһе” үҙәге ойошторолған. Был шәп уҡыу йортон рухлы шәхес Шайморат Сәйфулла улы Ғиниәтуллин етәкләй.
“Аманат” журналы Кинйәбулат мәктәбе уҡыусыларына яҡшы таныш. Журналда һәм интернет төркөмдәрҙә барған төрлө конкурстар, ғөмүмән, журналдың үҙе менән яҡындан танышыу уҡыусылар өсөн дә ҡыҙыҡлы булғандыр. Уҡыусылар, уҡытыусылар коллективы 2024 йылға журналға дәррәү яҙылып, “Бөтөн мәктәп менән “Аманат”ҡа!” акцияһына ҡушылырға, “Аманат”тың төрлө конкурстарында әүҙем ҡатнашырға тигән изге уйҙа ҡалды.
Изге теләктәрегеҙ тормошҡа ашһын!